வெள்ளி, 23 டிசம்பர், 2016

Dangal - தங்கல்

நீரஜா ,Rustom , தோனி என்று உண்மை சம்பவங்களை கொண்டு இந்த வருஷம் வந்த பாலிவுட் படம் வரிசையில் இந்த தங்கல் ,  நமக்கு தெரிஞ்சது என்னமோ கொஞ்சம் அரைகுறை ஹிந்தி தான் , நல்லவேளை subtitle போட்டு காப்பாத்திட்டாரு நம்ம அமீர்கான் ,

மஹாவீர் மல்லுயுத  வீரர் , பதக்கம் வாங்கி நம்மோட தேசிய கொடி பறக்கவிடனும் நினைச்ச ஒருவர் குடும்ப சூழ்நிலையால் முடியாமல் போக , ஆண்கள் மட்டுமே விளையாட முடியும் நினைச்ச சமூகத்தில் , தன்னோட பெண்களை விளையாட்டில்  வெற்றிபெற செய்து நம் தேசிய கொடியை பறக்க விட செய்த  உண்மை கதை தான் இந்த படம் ,

எப்பொழுதும் ஒரு  புது முயற்சி பண்ணும் அமீர் , இந்த படத்திலும் அதை செய்து  இருக்கார், ஒரு படத்தில் எத்தனை மாற்றங்கள் , சின்ன வயசு , நடுத்தர வயசு , முதியவர் வயசுன்னு அத்தனை மாற்றங்கள் முகத்திலும் , உடம்பிலும் , தன் அனுபவத்திலும் நடிப்பிலும் பின்னிப்பெடல் எடுத்துட்டாரு மனுஷன் , அதிலும் முதல் காட்சி ஆஃபீஸ்ல் சண்டை போடுவது சூப்பர் .

சின்ன வயசு கீதாவாக  வரும் அந்த குட்டி பொண்ணு செம்ம , நிஜமாகவே அந்த பொண்ணு சண்டை கத்துக்கிட்டு வந்துச்சா தெரியல , பசங்களோட சண்டை போடும் காட்சிகள் எல்லாம் செம்ம , அந்த சண்டைகளை படமாக்கிய கேமராமேன் , அந்த சண்டைகளை உருவாக்கிய  ஸ்டண்ட்மேன் எல்லாருக்கும் ஒரு சபாஷ்

சின்ன வயசுல அந்த விளையாட்டு பிடிக்காமல் கஷ்டப்பட்டு பயிற்சிக்கு போகும் காட்சிகள் நல்ல காமெடி அதுவும் அந்த சொந்தகார பையன் இவங்க கிட்ட மாட்டிகிட்டு படும்பாடு நல்ல காமெடி , அப்பாவியாக மாட்டிக்கிட்டு சின்னாபின்னம் ஆகிட்டான் .

ஒரு முரட்டுத்தனமான , எதை பற்றியும் கவலைப்படாத உறுதியான ஒரு புருஷனுக்கு மனைவியாக வரும் சாக்ஷி  தன்னோட பெண் குழந்தைகளுக்கு முடி வெட்டும் போதும் , வீட்டுல கறி சமைக்கும் போதும் வரும் காட்சிகளில் அவங்க நடிப்பு சூப்பர் .

 என்னதான் உண்மையான கதையாக இருந்தாலும் படத்தோட ப்ளஸ்அ தை திரைக்கதையாய் சரியாக எந்த ஒரு தேவையில்லாத மசாலாக்கள் இல்லாமல், அந்த சண்டைகளை வெறும் 2 நிமிஷத்தில் விறுவிறுப்பாக , சுவாரசியமாக , சீட் நுணிக்கு கொண்டு வந்துவிட்டார் டைரக்டர் , குறிப்பாங்க  காமென் வெல்த் விளையாட்டு அரையிறுதி போட்டி செம்ம , கேமராமேன் சேது ஸ்ரீராம்  , எடிட்டர் பாலு சலுஜா ,  டைரக்டர் நிதிஷ்  , இந்த மூன்று பேருக்கும் ஒரு பெரிய கைத்தட்டு அந்த ஒரு காட்சிக்கே கொடுத்துவிடலாம்  அந்த அளவுக்கு அந்த காட்சியை படம் பண்ணி இருக்காங்க

இசையமைப்பாளர் பிரிட்டம் தங்கல்  டைட்டில் பாட்டு படத்தில் சண்டை போடும் போது எல்லாம் வரும் போது நமக்கு அந்த உணர்வு நமக்கும் கொண்டுவந்துவிட்டார் .

மொத்தத்தில் தங்கல் படத்தில் மட்டும் பல பதக்கங்களை வாங்குவதோடு நிற்காது , இந்த படமும் பல பதக்கங்களை வெல்லும் .

இப்படிக்கு
சினி கிறுக்கன்

1 கருத்து:

  1. Again good review Shyam. Brought out the movie essence well.

    "Daddy enakku oru doubtu: Shyam eppadi padam subtitle padichikitte actor's face expression and acting ellam note panraru!!!!" :) :)

    Note: Neerja, Rustom all unmai sambavam correctu...but Dhoni is biographical movie and not a sambavam :) :)

    with thanks and regards,
    KP

    பதிலளிநீக்கு

Comments