Thondan - தொண்டன்

இந்த விமர்சனம் யார் மனதையும் புண்படுத்துவது நோக்கம் அல்ல, நையாண்டியாக ஒரு விமர்சனம் கற்பனையாக செய்யலாம் என்று ஒரு ஐடியா அவ்ளோதான் .

(தொண்டன் படம் ரிலீஸ் ஆவதற்கு முன்  சமுத்திரக்கனி அண்ணா தன் தம்பிகளுடன் ஒரு discussion )

சமுத்திரக்கனி அண்ணா :  டேய் தம்பிகளா என்ன பண்ணறீங்க ?

தம்பி'ஸ் குரூப் :  அண்ணா  தொண்டன் படம் கமிட் ஆகியிருக்கோம்ல அதான் நியூஸ் சேனல் எல்லாம் பார்த்துகிட்டு இருக்கோம் .

சமு .அண்ணா:   நல்லா பாருங்க டா .. நம்ம எல்லோரும் மாதிரி மசாலா படம் எடுக்க கூடாது , இந்த சமுதாயத்துக்கு நல்ல கருத்து உள்ள படமா மக்களுக்கு அறிவு கண்ணை திறக்கும் படமா இருக்கணும்டா தம்பிகளா

தம்பி'ஸ் குரூப் :   சரிங்கண்ணா , ஆனா  நிமிர்ந்து நில் படத்தில கருத்து இருந்துச்சி அதே நேரத்தில இரண்டாவது பாதியில் ஒரே தெலுங்கு படம் மசாலா மாதிரி இருந்துச்சே.


சமு .அண்ணா:   அது எல்லாம் பழசுடா , .ஜல்லிக்கட்டு போராட்டம் , அப்பா படம் அப்புறம் எவ்வளவு கருத்து உள்ள பேட்டி கொடுத்து இருக்கேன்


தம்பி'ஸ் குரூப் :   சரிங்க அண்ணே , இந்த படத்தில் என்ன சொல்ல போறோம் ?

சமு .அண்ணா:  2016ல் இருந்து -2017 வரைக்கும் , தமிழ்நாட்டுல என்ன எல்லாம் நடந்து இருக்கு சொல்லுங்க

தம்பி'ஸ் குரூப் :  விவசாய தற்கொலை

சமு .அண்ணா:  ஓகே அதுக்கு ஒரு காட்சி

தம்பி'ஸ் குரூப்:  மீத்தேன் , ஹைட்ரொ கார்பன்

சமு .அண்ணா:  ரைட் அதுக்கு ஒரு காட்சி


தம்பி'ஸ் குரூப்:  ஒரு தலை காதல் அதனால வரும் கொலை சம்பவம் , மேலும் குடியால் வரும் பிரச்னை, பெண்கள் மீது ஆசிட் வீச்சு , இப்படி ஏகப்பட்ட பெண்களுக்கு எதிராக நடந்து இருக்கு .

சமு .அண்ணா:    சூப்பர் டா தம்பிகளா .... லேடி audience கவர் பண்ணணும் , ரொம்ப பவர் full aha இருக்கும் , அதுல நல்ல பன்ச் வசனம் வைச்சிடுவோம்

 தம்பி'ஸ் குரூப்:  அப்புறம் அமைச்சர்  வீட்டுல IT ரைட் , அரசு அதிகாரிகள் லஞ்சம் வாங்குறது , கருப்பு பணம் ஒழிப்பு , demonetization ,

சமு .அண்ணா:  செம்மடா  என் தம்பிகளா ....இப்படி எல்லாத்தையும் படத்துல கவர் பண்ணிடுவோம் .

 தம்பி'ஸ் குரூப்:  அண்ணா முக்கியமானதை மறந்துட்டோம்

சமு .அண்ணா:  என்னது டா தம்பி

தம்பி'ஸ் குரூப்:  அந்த ஜல்லிக்கட்டு போராட்டம் , அதன் பிறகு வந்த வன்முறை , வெளிநாட்டு பொருட்கள் மேல உள்ள மோகம் .

சமு .அண்ணா:  சரியா சொன்ன டா தம்பி , இதை பற்றி பக்கபக்கமா வசனம் பேசி கைதட்டு வாங்குறோம் , ஒரு 100 நாட்டு மாடு பெயர் சொல்லி கைதட்டு வாங்கிடுவோம் .

தம்பி'ஸ் குரூப்:   அண்ணா ஏதாவது ஒரு கருத்தை கதையா எடுத்து படம் பண்ணா பராவாயில்லை ,  படம் full ah  கருத்தை மட்டுமே  சொன்னா எப்படின்னே ?

சமு .அண்ணா:  அதுக்கு தான் எனக்கு சுனைனாவுடன் ஒரு love scene  வைக்கிறறோம் , விக்ராந்த் என் தங்கச்சி லவ் பண்ணுவான்  அதுக்கு ஒரு பாட்டு  , திருடனை தேடுகிற ஒரு காமெடி காட்சி , அப்பா படத்துல வர அந்த குட்டி பையனுக்கு காட்சிகள் வச்சிடுவோம் மக்கள் ரசிப்பாங்க .

தம்பி'ஸ் குரூப்:  அண்ணே இது  கொஞ்சம் மொக்கையா இருக்கிறா மாதிரி இருக்கே

சமு .அண்ணா(கோவமாக):  தம்பி என்னாடா சொன்ன?

தம்பி'ஸ் குரூப்:  இல்லண்ணே செம்ம காமெடி , மக்கள் செம்மையா ரசிப்பாங்க , அண்ணே சீமான் இப்படி தான் கருத்து படமா எடுத்து தள்ளிட்டு அரசியலுக்கு வந்துட்டாரு , அதுபோல ஏதாவது அரசியலுக்கு வர போறீங்களா ?

சமு .அண்ணா:  எல்லாம் மேல இருக்கவன் கையில இருக்கு

தம்பி'ஸ் குரூப்:  சூப்பர் ஸ்டார் மாதிரியே சொல்லுறீங்க செம்ம .

சமு .அண்ணா:  டேய் தம்பிகளா , என் அண்ணன் தம்பிராமையா , என் தம்பி சூரி , அப்பறம் நமோ நாராயணா , , முனைவர்  கு . ஞானசம்பந்தம்  அப்பறம் நாடோடிகள் , அப்பா படத்தில நடிச்சிவங்க எல்லாருக்கும் போன் பண்ணி சொல்லிடு அவங்க எல்லாருக்கும் படத்தில் வாய்ப்பு இருக்குன்னு

(தொண்டன் படம் ரிலீஸ்க்கு பின் )

சமுத்திரக்கனி அண்ணா fans : செம்ம படம் , அண்ணா பிண்ணிட்டாரு , படம் full ah இந்த சமுதாயத்துக்கு தேவையான கருத்து , இப்போ இந்த சமுதாயத்தில் நடக்கும் அநியாய சம்பவங்களை தோலுருச்சி காட்டிட்டார் , அதுவும் அந்த ஜல்லிக்கட்டு வசனம் செம்ம, அடேங்கப்பா உடம்புஎல்லாம் புல்லரிச்சிடுச்சி 

General cinema audience : படத்துக்கு தான் வந்து இருக்கோமா ? இல்ல எதாவுது பிரச்சாரா கூட்டத்துக்கு வந்துட்டோமோ ?

சமுத்திரக்கனி அண்ணா fans:  டேய் என்ன சொன்ன ? உங்களுக்கு எல்லாம் நல்ல படங்கள் பிடிக்காதே 

General cinema audience :  ம்.ம். படம் சூப்பர் award confirm 

தமிழ் ராக்கர்ஸ் டீம் :  அப்பாடா நல்லவேளை நம்மளை பற்றி படத்தில் எதுவும் சொல்லல நாம தப்பிச்சோம்  .

மொத்தத்தில் : தொண்டன் தொண்டை தண்ணி வற்ற சமுத்திரக்கனி கூறிய கருத்துகள் .


இப்படிக்கு 
சினி கிறுக்கன் 

Sangali Bungili Kadhava Thorae - சங்கிலி புங்கிலி கதவ தொற

போன வருஷத்திலே ஜீவா படம்  பல வந்தாலும் , பயங்கர மொக்கையா போச்சி , நல்லவேளை நான் அதை பார்க்காம  தப்பிச்சுட்டேன் , சரி fox star studios  + அட்லீ தயாரிப்பு அதனால படம் ஒரு அளவு நல்லா போகும் நம்பி போனேன் , அந்த நம்பிக்கை ரொம்ப வீண் அடிக்கவில்லை அதே நேரத்தில் அடடே நல்லா இருக்குன்னு சொல்லவும் முடியலை .

அரைச்ச மாவு அரைச்ச பேய் கதை , வாங்க ஒரு பங்களாவுக்கு போகலாம் அதுல ஒரு பேய் இருக்கும் , அதுக்கு ஒரு பிளாஷ் பேக் வைக்கணும் , முக்கியமா சில கேரக்டர் பேய் போல effect கொடுத்து audience பயமுறுத்தணும் நினைச்சி மொக்கையா சில காட்சிகள் வைக்கணும் , பேய் படத்தோட ரூல்ஸ் லைட் அணைஞ்சி அணைஞ்சி  எரியனும் . ஒரு ball விளையாடும் காட்சி கட்டாயமா வைக்கணும் , நல்லவேளை tapல்  ரத்தம் வரும் காட்சி வைக்கலை , 

சரி படத்தில இருக்கறவங்க பற்றி பார்க்கலாம் , ஸ்ரீதிவ்யா அவங்களுக்கு அபத்தமான ஒரு காதல் கதை  , ஒரே பாட்டில் பணக்காரங்க ஆவது போல ஒரே பாட்டில் காதல் வருது, அதுவும் காதல் பாட்டு இல்ல , கலாய்க்கும் பாட்டு , தம்பிராமையா ஏதோ சவுண்ட் விட்டு build up பண்ணுறாரு ஆனா அந்த அளவுக்கு  காமெடி எடுபடவில்லை , அதுவும் தேவதர்ஷினி கூட பண்ணும் வாஷிங் மெஷின் காமெடி சிரிப்பு வந்தாலும் மனசுல நிக்கல அதுவும் ஒரு மட்டமான டபுள் மீனிங் காமெடி . கோவை சரளா ஒரே மாதிரி நடிப்பு காட்சிகள் ,எதுக்கு  சூரி அந்தமா மேல காதல் பாட்டு வைப்பது எல்லாம் செம்ம கடுப்பு .

சூரி காமெடி இந்த படத்தில் தான் கொஞ்சம் சில இடங்களில் ரசிக்கும்படி இருந்துச்சி,  குறிப்பா அவர் ஒரு பையன் கூட ball விளையாடுவது , குடிச்சிட்டு வீட்டுக்கு வெளியே பேசுவது , கடைசி காட்சிகளில் பேய்க்கு பயந்து ஓடும் காட்சிகள் .

படத்தோட கதை ரொம்ப சாதாரணமா இருப்பதும் , பிளாஷ் பேக் strong இல்லாமல் இருப்பதும் மைனஸ் , படத்தில்  ஒரு காட்சி கொஞ்சம் காமெடி , அடுத்த காட்சி பேய் காட்சி , இப்படி முதல் பாதி மாறி மாறி என்ன தான் செய்யப்போறாங்க தெரியாமல் போகுது , trailerல் பார்த்த அந்த காட்சி இன்டெர்வல் பகுதியில் வருது , சரி இரண்டாவுது பாதி நல்லா சுவாரசியமாக போகும் பார்த்தால் , கொஞ்சம் ஏமாற்றம் தான் , கௌசல்யா , ஸ்ரீதிவ்யா பிளாஷ் பேக்ல் வரும் ராதாரவி எல்லாருக்கும் முகத்தில்   தனியா அப்பி வச்சி இருக்காங்க மேக்கப் .

படத்தோட கதைன்னு திரைக்கதைன்னு  பார்த்தா எனக்கு கொஞ்சம் யாமிருக்க பயமேன் , தில்லுக்கு துட்டு போல தோணுச்சு , ஆனா படத்தோட கதைன்னு பார்த்தா  v.சேகர்  & விக்ரமன் படம் போல லா லா லா ன்னு bgm வசிப்பது போல இருக்கு , ஏன்னா குடும்பம் ஒற்றுமையோட இருக்கணும்னு ஒரு பேய் வந்து சொல்லிட்டு போகுது அடேங்கப்பா என்ன ஒரு புது சிந்தனை  , மீண்டும் அந்த bgm போடுங்க லா லா லா ன்னு, final touch அந்த எல்லோரும் படிக்கட்டுல தொங்கிகிட்டு எல்லா நாளும் எங்கள் வீட்டில் கார்த்திகைன்னு படுவது போல இருக்கு , 

மொத்தத்தில்  சங்கிலி புங்கிலி வழக்கமான க(தை)தவ தொறந்தவை 

இப்படிக்கு 
சினி கிறுக்கன் 

Yeidhavan - எய்தவன்

எய்த கதை அருமை அதுவும் 12th ரிசல்ட் சமயத்தில் , + +

முதல் பாதி திரைக்கதை எய்தவிதம் செம்ம , ++

ஒன்றோடு ஒன்று கதை connect செய்து இன்டெர்வல் வந்து நிற்பது ++

இரண்டாவது பாதி கதையை  நோக்கி போனாலும் கொஞ்சம் வளவளன்னு இருப்பது போல ஒரு உணர்வு   -  - 

கலையரசன் கொஞ்சம் வித்தியாசமான படங்கள் எடுத்து பண்ணுவது அருமை அதே கண்கள் மற்றும் எய்தவன் படங்கள் போல  ++

சட்னா டைட்டஸ் அளவா நல்லா பண்ணியிருக்காங்க ஆனா போலீஸ் வேஷம் செட் ஆகல  - - 

வில்லன் கௌதம் கண்ணாடி கழட்டினா கொஞ்சம் கண்கள் வித்தியாசமா தெரியுது அதனால தான் முக்காவாசி கண்ணாடியோட சுற்றி வரார் போல , ஒரு சில காட்சிகள் நல்லா பண்ணி இருக்கார் , சில காட்சிகள் அட போப்பா ரொம்ப கெத்து காட்டுற நீ , சொல்லுவது போல் இருந்துச்சி  + - 

டைரக்டர் சக்தி ராஜசேகரன் இப்படி ஒரு கதையை எடுத்தது  சூப்பர் , மேலும் சில விஷயங்கள் நல்லா detail ஆகா காட்டி இருக்கீங்க , காலேஜ் பீஸ் புடுங்கறது அதுக்கு ஏஜென்ட் செயல்படுவது , அப்பறம் காட்சிகள் brilliant காட்டியது , அந்த கொள்ளை அடிக்கும் காட்சி , ஒரு காலேஜ் பையனை கொலை செய்ய போகும் போது , சும்மானா அடிச்சி விடாம correct ஆகா ஒரு ஒரு ஏரியா வாட்ஸ் அப்ல் சரியாக சொல்லுவது ,  நல்லா பண்ணிருக்கார் , மெடிக்கல் காலேஜ் approval இல்ல அப்படின்னு கதை வரும் போது ஐயோ பைரவா போல இருக்கே கொஞ்சம் தோனாதான் செஞ்சது , ஆனா ஹீரோயிசம் எல்லாம் இல்லாமல் கதையை ஹீரோயிசம் ஆக்கிடீங்க அது மிக பெரிய ப்ளஸ் +++,

மொத்தத்தில் எய்தவன் நேர்மையாக சமூக அக்கறையுடன் எய்தது 

இப்படிக்கு 
சினி கிறுக்கன் 

Saravanan Irukka Bayamaen - சரவணன் இருக்க பயமேன் ?

இந்த வருஷத்தில் வந்து இருக்கும் பல அருமையான படங்களில் இதுவும் அதில் ஒன்று , இந்த படத்தை ஒரு பொக்கிஷமாக வச்சி காப்பாத்தணும் , அப்படி ஒரு தெளிவான கதை, சுவாரசியமான திரைக்கதை , அருமையான பாடல்கள் , எதிர்பாராத திருப்பங்கள் , பல நகைச்சுவை நடிகர்களின் அருமையான , திறமையான காமெடிகளால் மனசு இலகி எல்லா மனசு கஷ்டங்களில் இருந்து விடுபட்டு வரலாம் . அப்படி ஒரு அருமையான படத்தை எழில் கொடுத்து இருக்கார் .


படத்தில ஆரமபத்தில் வரும் சூப்பர் chase சீன் அதில்  சூரி , மன்சூரலிகான் , போலீஸ் , உதயநிதி ஸ்டாலின் கலக்கும் ஒரு அருமையான காமெடி chase சீன எந்த படத்திலும் அப்படி பார்க்க முடியாது , அப்படி ஒரு சிரிப்பு , சிரிச்சி சிரிச்சி வயித்தெரிச்சல் வந்துடிச்சி, சாரி தப்பா சொல்லிட்டேன் , சிரிச்சி சிரிச்சி வயிறு புண்னாகிடுச்சி அப்படி ஒரு காமெடி , அதுவும் மன்சூரலிகான் , அவர் பையனாக வரும் சாம் , அவர் கூட இருக்கும் சில பல அல்லக்கைகள் , சூரி இவங்களோட மீசை எல்லாம் பார்த்தா,  அட டா யார்டா  அந்த அருமையான மேக்கப்மேன் இப்படி ஒரு அறிவாற்றலோட அந்த மேக்கப் போட்டது அதை அப்படியே டைரக்டர் ஓகே சொல்லி எடுத்து இருக்காரே , அனேகமாக இந்த மேக்கப்க்கு ஒரு தனி அவார்டு சன் டிவில கொடுப்பாங்க பாருங்களேன் .mark my words Mr.உதயநிதி நிச்சயமா அதுக்கு அவார்ட் confirm .


அப்புறம் முக்கியமான விஷயம் படத்தோட சுவாரசியமான விஷயம் ஒன்னு இருக்கு, அது சொல்லவேமாட்டேன் , அதாவது இந்த படம் ஒரு சாதாரணமான காமெடி படம் மட்டும் இல்ல , ஒரு பெரிய ட்விஸ்ட் என்னனா இது ஒரு பேய் கதை வேற, அது தான் முக்கியமான இன்டெர்வல் ட்விஸ்ட் , அய்யயோ இந்த முக்கியமானதை சொல்லிட்டேன் , அதை மனசுல இருந்து அழிச்சிடுங்க இல்லாட்டி படம் பார்க்கும் போது அந்த சுவாரசியம் போயிடும்.

படத்தில ஒரு நிமிஷம் கூட seatல உட்கார முடியாது , தப்பா புரிச்சிக்காதீங்க அதாவது படத்தில அப்படி ஒரு பரபரப்பு காமெடி அதுவும் அந்த பஞ்சயாத்து காட்சி  அடேங்கப்பா "வரேவா" கீழ விழுந்து விழுந்து சிரிச்சி அடிபட்டுடிச்சின்னா பார்த்துக்கோங்களே , வெறும் சிரிப்பு மட்டும் இல்ல உணர்வுபூரணமான காதல் பிளாஷ் பேக் வேற இருக்கு. எனக்கு அது பார்த்த உடனே மிஷ்கினோட பிசாசு படம் தோத்துபோச்சி டா சொல்லவச்சது , அது மட்டுமா உதயநிதி ஹீரோயின் ரெஜினாவை கமிஷனர் ஆபீஸ்க்கு கூட்டி சென்று ஒரு வீடியோ காட்டுவார் மனசு நெகிழ்ச்சியில் திளைத்தது, அப்படி ஒரு சென்டிமென்ட் புலி புலின்னு புளிச்சிட்டாங்க , சாரி செண்டிமெண்ட் புழி புழின்னு   புழிஞ்சுட்டாங்க .

உதயநிதி சார் நீங்க அடுத்து அரசியலில் வருவீங்களோ ? அதுக்கு தான் இதுல சின்ன lead கொடுத்து இருக்கீங்களோ ? Sun(Son) குடும்பத்தில் இருந்து அரசியல் வரமால் இருந்தா தான் ஆச்சரியம் .

இப்படி ஒரு  மாபெரும் படத்தோட ப்ளஸ் என்னனா அது  கிளைமஸ்க்கு  முன்னாடி வரும் ஜிகினா ஸ்ரீயின் தெய்வீக பாடலுக்கு பாரம்பரிய ஆடை போட்டு வரும் பாட்டு தான் , U certificate போட்டது இந்த படத்துக்கு சரியானது தான் தோணுச்சு 


இப்படி ஒரு சந்தோஷமான படத்தை தந்த எழில் , உதயநிதி , ரெஜினா , ஸ்ரீஷ்டி டாங்கே , மேலும் மற்ற நடிகர்கள் , டிரைவர்கள் , சாப்பாடு போட்டவர்கள் எல்லோரையும் ஒரு selfi எடுத்து சுத்தி போடுங்க , சாரி திருஷ்டி சுற்றி போடுங்க .

மொத்தத்தில் சரவணன் இருக்க எப்பொழுதும் பணமே .. மன்னிக்கவும் அதாவது சரவணன் தான்  இருக்காரே எப்பொழுதும் பயம் ஏன் ? 

குறிப்பு : இந்த படத்தை பார்த்த தமிழ் ராக்கர்ஸ் டீம் , இந்த படத்தை அவங்க websiteல் ரிலீஸ் பண்ணக்கூடாதுன்னு  முடிவு எடுத்துட்டாங்க, ஏன்னா இப்படி ஒரு தரமான படத்தை ரிலீஸ் செய்து மக்கள் மத்தியில் கெட்ட பெயர் வர கூடாது என்பதால் .

இப்படிக்கு 
கிறு கிறுன்னு கிறுக்கு பிடிச்சி வெளியே வந்த சினிகிறுக்கன் 

Lens - லென்ஸ்

இந்த படம் பார்ப்பதற்கு ஒரு முக்கியமான காரணம் வெற்றிமாறன்  தான் , வெற்றிமாறன் வழங்கும்ன்னு போட்டதால் இந்த படம் பார்த்தேன் , அதே நேரத்தில் அந்த எதிர்பார்ப்பு ஏமாற்றவில்லை , மேலும் இந்த படம் சென்னை , புனே , பெங்களூர் திரைப்படவிழாவில் இந்த படம் திரையிடப்பட்டது . மேலும் சில விருதுகளை வாங்கி இருக்கு இந்த படம் 

Best Debut Director --- 19th Gollapudi Srinivas National Award
Best Debut Director & Screenplay — Lonavala International Film Festival
Best Writer — Bioscope Global Film Festival
Best Direction ------- 7th Jagaran Film Festival


முதல் விஷயம் இந்த படம் இப்போ இருக்கும் இன்டர்நெட்டில் நடக்கும் பல ஆபத்துகளை வெளியப்படையக , எந்த ஒரு ஒளிவு மறைவு இல்லாமல் அப்பட்டமாக , இன்றைய வளையதள   சமூகத்தில் நடக்கும் விஷயத்தை, சினிமாவுக்காக  விட்டுக்கொடுக்காமல், எந்த ஒரு சினிமாத்தனத்தை சேர்க்காமல் நேர்மையான ஒரு படம்  இந்த லென்ஸ் 

இந்த படம் பார்க்க தேவையான விஷயங்கள் நீங்க பொழுதுபோக்கிற்காக படம் பார்ப்பவரா ? அப்போ இது உங்களுக்கான படம் அல்ல...  Skype மற்றும் சில appல்  வீடியோ சாட் செய்து காதல் பண்ணுபவரா ? அல்லது அதுக்கும் ஒரு படிமேல் சென்று உங்கள் காதலன் / காதலியுடன் உறவு கொள்பவரா ? அப்போ நிச்சயம் இந்த படம் உங்களுக்கு தான் , 

பொதுவா என்னோட விமர்சனத்தில் படத்தோட கதையை சொல்லமாட்டேன் , அதுவும் இந்த படத்தோட ஒரு வரி கதை கூட நான் சொல்லமாட்டேன்  ஏன்னா அதோட சுவாரசியம் போய்டும் , மேலும் இதுவரைக்கும் இந்த படம் எதை பற்றியதுன்னு மட்டும் சொல்லி இருக்கேன் , நிச்சயமாக இந்த படத்தை போயிட்டு பார்க்கவேண்டும் என்பதற்காகவே அதை சொல்லி இருக்கேன் .

துருவங்கள் 16 போல சமீபத்தில் வந்த சில படங்கள்  வித்தியாசமாக  வந்து மக்களை கவர்ந்து இருக்கு , அது போல இந்த படமும் அந்த வரிசையில் சேரும் , படத்தில் மிக பெரிய ப்ளஸ் கதை அது சொல்ல வந்து இருக்கும் மெசேஜ் , strong screenplay , எங்கேயும் bore அடிக்காம , அதே நேரத்தில் இது தான் நடக்க போகுதுன்னு easy ஆகா யூகிக்க விடாமால் , நாம் ஒன்று யூகிக்க ஆனால் இறுதியில் வேற மாதிரி  கதையோட முடிச்சிகளை அவிழ்ப்பது செம்ம . படத்தோட திரைக்கதை ஸ்பூன் feed பண்ணுவது போல audienceக்கு கொடுக்காமல் , காட்சியமைப்பு செய்தது செம்ம , குறிப்பாக flashbackம்  போலீஸ் விசாரணையும் கலந்து கலந்து காட்டி இருப்பது நல்லா இருக்கு.

தமிழ், மலையாளம் , ஆங்கிலம் என்று மூணு மொழிகளில் எடுத்து இருக்காங்க  , தமிழ்ல டப்பிங் தான் பண்ணி இருப்பாங்க போல ,அதனால பல இடங்களில் வாய் அசைப்பு கொஞ்சம் வித்தியாசமா தெரியுது தமிழ் படம் போல இல்லை , விபின் சித்தார்த் மலையாளத்திலும், ஜி.வி.பிரகாஷ் தமிழிலும் இசையமைச்சிருக்காங்க , படத்துக்கு அந்த த்ரில்லிங் ஆனா feel வந்ததற்கு ஜி.வி.பிரகாஷ்ம் ஒரு முக்கியம் பங்கு இருக்கு , படத்தில ஒரே ஒரு பாட்டு ஆனா அந்த பாட்டு உதயம் NH4ல் வரும் யாரோ இவன் மற்றும் தெறி படத்தில் வரும் என் ஜீவன் பாட்டு போல இருக்கு .

டீ கப் மாடியில் இருந்து விழுவது , A/Cக்கு கீழே புறா வாழ்வது , நண்பனோட ஹெல்மெட்டில் ஒரு கறை காட்டுவதுன்னு, ஒரு கர்ப்பம் கலைவதுன்னு  படத்தில் டைரக்டர் டச் காட்டி இருக்கார் .மேலும் சில அந்தரங்க காட்சிகள் இருப்பதால் குடும்பம் சூழ பார்ப்பதற்கு ஏற்புடையது அல்ல .

இப்படி ஒரு நல்ல படத்தை தியேட்டரில் காட்சிகளை லென்ஸ் போட்டு தான் தேடணும் போல , குறைவான காட்சிகள் தான் இருக்கு.

முகங்கள் புதுசாக இருப்பதால்,  யார் எந்த role பண்ணி இருக்காங்கன்னு சில பேருக்கு தெரியல அவங்களுக்காக 

Written & Directed        -        Jayaprakash Radhakrishnan
Aravind                          -        Jayaprakash Radakrishnan
Yogan                             -       Anandsami
Angel   (Yogan wife )    -        Aswathy Lal
Swathi  (Aravind wife)  -       Misha Goshal

மொத்தத்தில்  இந்த லென்ஸ் இன்றைய இருட்டுலக சமூகத்தை zoom போட்டு காட்டி இருக்கும் படம்.

இப்படிக்கு 
சினி கிறுக்கன் 

Baahubali 2 - பாகுபலி 2

தெரிந்த கதை , தெரியாத உண்மைகள் தான் இந்த பாகுபலி2, கட்டப்பா ஏன் பாகுபலியை கொன்றார் ? சொல்லமாட்டேன்  படம் பாருங்க , ஏன் அனுஷ்கா அடிமையாக இருக்காங்க ? சொல்லமாட்டேன் படம் பாருங்க , அட இந்த watsapp  ல ஒரு கற்பனையாக இந்த படத்தோட கதை வந்துச்சி , அதுல பல விஷயங்கள் உண்மை இல்ல ஆனா சில விஷயங்கள் அடிச்சிவிட்டதுல உண்மைதான் .

இந்த படத்தை பற்றி எழுத நமக்கு தகுதி இல்ல , இருந்தாலும் நாம் எழுதுவோம், முதல் விஷயம் இந்த படத்தை முதல் பகுதியோடா compare பண்ணாதீங்க , முதல் பகுதி அளவுக்கு சுவாரசியமா இருக்கும் என்று நினைச்சி போகாதீங்க , 

சரி படத்தோட எனக்கு பிடிச்ச highlight காட்சிகள் என்னனா ,  படத்தில சண்டை காட்சிகள் எடுத்தவிதம்  அருமை , குறிப்பா அனுஷ்காவின் முதல் சண்டை காட்சியில் , சத்யராஜும் , பிரபாஸும் சேர்ந்து போடும் சண்டை செம்ம , அதே போல அரண்மனையில் அனுஷ்காவும் பிரபாஸும் ஒரு அம்பு சண்டை ultimate , அதுல அனுஷ்கா ரொம்ப அழகா தெரிஞ்சாங்க , அதில் குறிப்பா அனுஷ்கா ஒரு expression தரும் ஷாட் சூப்பர் , இன்டெர்வல் பகுதியில் பதவி பிரமாணம் எடுக்கும் காட்சி செம்ம , சட்டசபையில் பிரபாஸ் ஒருத்தனோட கழுத்தை வெட்டும் காட்சி அவருக்கு அது மாஸ்  , ஓ அது சட்டசபை இல்ல அரண்மனை சபை , ஆனா இந்த படத்தோட கதை பார்க்கும் போது எனக்கு என்னமோ இப்போ இருக்கும் நம்ம தமிழ் நாடோட அரசியல் நிலவரமும் இந்த படமும் கொஞ்சம் மேட்ச் ஆகுறா போல இருக்கு .

படத்தில சுவாரசியம் இல்லாத விஷயங்கள் பிரபாஸ் அனுஷ்கா காதல் , மேலும்  அரண்மனையில் பிரபாஸும் சத்யராஜும் நடிப்பது , மேலும் ஒரு கப்பல் டூயட் செம்ம கற்பனை ஆனால் அது பார்க்க பக்கா தெலுங்கு மசாலாவாக தோணுச்சு , அப்புறம் முதல் partல சில சின்ன சின்ன கேரக்டர் தான் தெலுங்குல பேசி, அது தமிழ்ல டப்பிங்கு ஆச்சி , ஆனா முக்கியமா கேரக்டர் எல்லாம் தமிழ்ல தான் பேசினாங்க , ஆனா பாகுபலி2ல்  பல இடங்களில்  எல்லா முக்கியமான கேரக்டர் கூட தெலுங்கு வாய் அசைப்பு தான் இருக்கு , ஏன் நம்ம சத்யராஜ் கூட தெலுங்கு வாய் அசைப்பு தான் இருக்கு அதனால ரொம்ப அந்நியமாக ஒரு உணர்வு வருது ,முதல் part ல் காலகேயனுடன் போர் காட்சிகள் வரும் சில போர் நுணுக்கங்கள் அட போட வச்சது , இது செம்ம ஐடியாவா இருக்கே தோணுச்சி , அது போல இந்த படத்தில் குறைவு தான் ,trailerல எந்த அளவுக்கு தமன்னாவை பார்த்தோமோ அந்த அளவுக்கு தான் படத்தில வராங்க , இதில் தமன்னாவுக்கு ஸ்கோப் கம்மி .

எனக்கு இந்த படத்தில பிரம்மாண்ட காட்சியமைப்பு  , தவிர கதை திரைக்கதை ரொம்ப சுவாரசியமாக ரசிக்கும்படி வைக்கல, ஏன்னா படத்தோட கதை என்னன்னு தெரிஞ்சி போச்சி , திரைக்கதை இப்படி தான் போகும் என்று சுலபமாக guess பண்ணமுடிச்சது அதனால எனக்கு அந்த அளவுக்கு படத்தோட ஒரு ஈடுபாடு வரல ,அதுவும் பாகுபலியை கட்டப்பா ஏன் கொன்றார் தெரிஞ்ச அப்புறம் அந்த சுவாரசியம் முடிச்சி போகுது .எப்படியும் ராணாவை சின்ன பாகுபலி கொன்றுவார் தெரியும் , முக்கியமா கடைசி சண்டை கொஞ்சம் ஓவர் பறந்து பறந்து அரண்மனைகுள்ள போவது கொஞ்சம் ஜீரணிக்க முடியல , ஆனா இதே இங்கிலிஷ் படம்ன்னா ரசிப்போம் , ஆனா இது பார்க்கும் போது ராஜமௌலி சார் ஏன் அப்படி வச்சீங்க கேட்க தோணுது .

அம்மா ராஜமாதா ரம்யாகிருஷ்ணவே நீங்க இந்த சன் டிவி சீரியல நடிக்கறதைவிட்டு இந்த மாதிரி படத்தில் மட்டுமே நடிங்க , இன்னும் பல பாகுபலி வந்தாலும் நீயே ராஜமாதாவாக வரணும் ,அப்புறம் நாசர் , ராணா சரியான வில்லன்கள் செம்ம .

ராஜமௌலி கற்பனைகளின் ராஜான்னு சொல்லலாம் , எதுவுமே சின்னதா சொல்லமாட்டார் போல வீட்டுல தோசை சுட  சொன்னாலும் நல்லா 10 அடிக்கு சுட்டு கொடுக்க சொல்லுவார் போல, படத்தில அப்படி ஒரு பிரம்மாண்டம்  மற்றும் கற்பனை ,  அப்படி அந்த பிரம்மாண்டத்தையும் கற்பனையும் அனுபவிப்பதற்கு மட்டுமே இந்த பாகுபலி2.

மொத்தத்தில் ராஜமௌலி என்றால் பிரம்மாண்டம் , பிரம்மாண்டமே என் சாசனம்.

இப்படிக்கு 
சினி கிறுக்கன் .

Kadamban - கடம்பன்

ஆர்யா(+ + +) :   கடம்பன் உடம்பு உடும்பனாக  

கேத்ரீன்(- - - - ):  காட்டுவாசிக்கு செட் ஆகல 

வில்லன்(-) அந்த அளவுக்கு ஸ்டராங் இல்ல 

இசை( - ) : யுவன்  ஒரு பாட்டு பருத்திவீரன் படம் பாட்டு ஞாபகம்  படுத்துது , ஒரு பாட்டு சரோஜா படம் பாட்டு ஞாபகம் படுத்துது  

சண்டை( +++)

கேமரா ( + +) : காட்டுக்குள்ள போன மாதிரி இருந்திச்சி 

கதை(+ ) : காட்டை காப்பாத்தணும்  என்ற கதைகருவை எடுத்துக்கிட்ட காரணம் ஓகே 

திரைக்கதை(- - ) : சுவாரசியம் இல்ல , ரொம்ப எதிர்பார்த்த காட்சிகள் 

Cgi(+ +  - -) : மிருகங்கள் வரும் காட்சி + + , ஆனால் முதல் காட்சி மற்றும் ஆர்யா மிருகத்தோடு சண்டை போடும் காட்சி சுமார் - - 

லாஜிக்(- - ) : எங்கே இருக்குன்னு கேக்கணும் , தமிழ்நாட்டுல தானே நடக்குது , illegalன்னாலும்  அதுக்குன்னு கொஞ்சம் ஓவர் போலி போலீஸ் , துப்பாக்கி etc 


மொத்தத்தில் கடம்பன் கண்களுக்கு மட்டும் குளிர்ச்சியாக 

இப்படிக்கு 
சினி கிறுக்கன் 

Power Pandi - பவர் பாண்டி

ஏம்பா இன்னிக்கு review பண்ணலாமா ? வேண்டாமா ? என்னமோ படம் ரிலீஸ் ஆகி மூணு நாள் கழிச்சி தான் review பண்ணனும்ன்னு சொல்லுறாங்க ,ஏண்டா மூணு நாள் கழிச்சி பண்ணுறதுக்கு இது என்ன சடங்கா ? துருவங்கள் 16 படம் எல்லாம் முதல் நாள் சத்யம் தியேட்டர்ல வெறும் 1 காட்சி தான் இருந்துச்சி , reviewக்கு அப்புறம் அடுத்த வாரமே 9 காட்சி போட்டாங்க , பல சின்ன படங்கள் ஹிட் ஆனதுக்கு காரணமே இந்த மாதிரி reviews தான் , first copy அடிக்கமா நல்ல படம் எடுங்க . யார் என்ன சொன்னா நமக்கு என்ன? நாம் பண்ணறது பண்ணுவோம் .

 ராஜ்கிரண் தாத்தாவாக , பையன் கவனிக்காத அப்பாவாக வரும் போது அட இது மஞ்சப்பை போல இருக்குமோ என்று படம் ஆரம்பிச்சி கொஞ்சம் நேரத்தில் கொஞ்சம் பயந்துட்டேன்,, அட அப்பாவை கவனிக்காத பையன் அதனால படம் full ah செண்டிமெண்ட் போட்டு , message சொல்லி மொக்கயா போய்டுமோ தோணுச்சி , நல்ல வேளை அப்படி போகம , அப்புறம் போக போக இது வேற மாதிரி இருந்திச்சி , இறுதியில் முடியும் போது மனசு ரொம்ப இளகி போயிடுச்சி , அப்படி  ஒரு அருமையான மாறுபட்ட காதல் கதை ,வெளிப்படையா சொல்லனும்னா முதல் பாதி கொஞ்சம் டிராமா மாதிரி போச்சி , பிறகு இரண்டாவது பாதியில் கதை ஹைதராபாத்துக்கு போன பிறகு , அட போங்கடா என்ன யூத் பசங்க லவ்,  இது தான்டா லவ் சொல்லுகிறா மாதிரி சீன வச்சி ரசிக்க வச்சிட்டாரு டைரக்டர் தனுஷ்,  அதுக்கு ரொம்ப ஒருதுணையாக ராஜ்கிரணும் ரேவதியும் நடிச்சாங்க , கெமிஸ்ட்ரி நல்லா ஒர்க் அவுட் ஆகி இருக்கு , இந்த வயசுல ராஜ்கிரணும் ரேவதியும் இப்படி ஒரு கதாபாத்திரத்தை எடுத்து நடித்தது சூப்பர் , எனக்கு கொஞ்சம் ஹிந்தி படம் சீனிகம் படத்தோட ஒரு பகுதி சாயலோ தோணுச்சு வயசான காலத்தில் வரும் ஒரு காதல் ஆனால் இது பழைய காதலை புதுப்பிக்கும் ஒரு கதை 

இந்த படத்தில  ஒருவரை மட்டும் பற்றியே சொல்லனும்னா அது ராஜ்கிரண் மட்டும் தான் , படம் முழுக்க நிறைவா நடிச்சி மனசுல நிறைவா நின்னுட்டார் ,முதல் பாதியில் நடிச்சது எல்லாம் அவர் இது வரைக்கும் பண்ண காட்சிகள் தான் நடிப்பு தான், அப்பாவாக , வீட்டில் வரும் பிரச்சனைகள் , வீட்டில் புரிஞ்சிக்காத நிலமையில் நடிப்பது எல்லாம் அவர் usual ஆகா பண்ணுவது தான் , ஆனா அவர் அந்த bulletல் எடுத்து கிளம்பின அப்புறம் நமக்கு அச்சம் என்பது மடமையடா சிம்பு தான் ஞாபகம் வருது , ராஜ்கிரண்  பண்ணும் குறும்புத்தனம் , ரேவதியை பார்ப்பது , FBல்  சாட் பண்ணுவது , வீட்டுக்கு நைட் போயிட்டு பேசுவது எல்லாம் செம்ம , முதல் பாதியில் பிரசன்னாவிடம்  பேசாம ஒரு புரிதலுடன் உணர்வோடு இருப்பதும் , இரண்டாவது பாதியில் காதல் cute பண்ணுவது எல்லாம் செம்ம .


பிரசன்னா & சாயாசிங் தேவையான அளவுக்கு சரியா நடிச்சி இருக்காங்க , அந்த பக்கத்துக்கு வீட்டு பையன் ராஜ்கிரணோட friendly பேசுவது , கலாய்ப்பது நல்லா இருக்கு , DD ரொம்ப கம்மியான காட்சிகள் வந்து அம்மாவை புரிஞ்சி பேசும் வசனங்கள் சூப்பர் ,மேலும் விஜய் டிவி ஆளுங்க படத்தில் நிறைய பேரு வந்து இருக்காங்க DD , ரோபோ ஷங்கர் , கலக்கப்போவது தீனா , ஜோடில வரும் ரின்சன் அந்த பக்கத்துக்கு வீட்டு பையனாக வரார் , ஒரு வேளை விஜய் டிவில  இந்த படம் வரும் போல .
seyan ரோல்டன் சூரக்காற்று பாட்டு மற்றும் ராஜ்கிரண் மாஸ் சண்டை காட்சியில் bgm எல்லாம் நல்லா பண்ணி இருக்கார் .

தனுஷ் நடிகர் , பாடகர் , பாடலாசிரியர் எல்லாம் செய்து இப்போ டைரக்டர் அவதாரம் நல்லாவே எடுத்து இருக்கார் , ஆனால் எனக்கு என்னமோ கௌதம் மேனன்  இவர் கூட directionல்  ஒர்க் பண்ணி இருப்பர் போல தோணுது , ஏன்னா ரேவதி ராஜ்கிரண் காதல் காட்சிகள் அவரோட தாக்கம் எனக்கு தெரிஞ்சிது. எனை நோக்கி பாயும் தோட்ட படம் ஷூட்டிங்ல தனுஷ் அவர்கிட்ட ஒரு வரி கதை சொல்லி இருப்பர் போல , அவரும் அதுக்கு help பண்ணி இருப்பாரோ ? இல்லாட்டி கௌதம் மேனன் ஒரு காட்சியில் guest ரோல் வந்ததால அப்படி எனக்கு தோணுச்சோ? தனுஷுக்கு முதல் படம் என்பதால் சில தவறுகள் வந்து இருக்கு போல, அது நம்ம கண்ணுலபட்டது , பிளாஷ் பேக்ல்  வரும் மடோனா கிராமத்து கேரக்டர்க்கு செட் ஆகல கொஞ்சம் செயற்கையாக இருந்துச்சி , ஹைதராபாத்தில் இருக்கும் மால் சொல்லுராங்க , ஆனால் ஷூட் பண்ண இடம் நாவலூர் OMR food street  , அட அது செட்டிங் போட்டு கொஞ்சம் மறைச்சிடீங்க ஆனால்  மண்டை மேல இருக்க கொண்டை மறந்தா போல , பின்னாடி frameல் Olympia opaline building தெரிஞ்சுடுச்சி , அதை கவனிச்சி இருக்கலாமே , மழை காட்சியில் கொஞ்சம் தள்ளி தரையை பார்த்தா ரொம்ப காஞ்சி இருக்கே அதை மிஸ் பண்ணிடீங்களே , ஹைதராபாத்தில் roof top restaurant காட்டும் போது மீண்டும்   மண்டை மேல இருக்க கொண்டை மறந்தா போல பின்னாடி ஸ்பென்சர் building போல தெரிஞ்சிடுச்சே, இப்படி சின்ன சின்ன தவறு இருந்தாலும் எல்லா தரப்பு மக்களுக்கு பிடிக்கிறா மாதிரி ஒரு படம் பண்ணி இருக்கார்  அதுக்கு ஒரு சல்யூட் .

நடிகர்கள் : ராஜ்கிரண் , ரேவதி , தனுஷ் , மடோனா பிரசன்ன , சாயாசிங் 
கேமரா : வேல்ராஜ் 
இசை: சியேன் ரோல்டன் 
எழுத்து & இயக்கம் : தனுஷ் 

மொத்தத்தில் பவர் பாண்டி பவர் full ரொமான்டிக் பாண்டி 

இப்படிக்கு 
சினி கிறுக்கன் 

8 Thottakkal - 8 தோட்டாக்கள்

எதிர்பார்த்த சில படங்கள் நல்லா இல்லாமல் இருப்பதும் , எதிர்பாராத சில படங்கள் நல்லா அமைவதும் வழக்கமாக போச்சி , அந்த வரிசையில் இந்த 8தோட்டாக்கள் .
.
படத்தின் ஹீரோ எம்,ஸ்.பாஸ்கர் அட ஆமாங்க ஹீரோ வெற்றி தான் ஆனால் படத்தின் கதைக்கு ரொம்ப முக்கியமான கேரக்டர்ல படத்தை வழி நடத்தி செல்வது அவர் தான் , அவர் இதுவரைக்கும் பல குணச்சித்திர கேரக்டர் பண்ணாலும் , இதில் ரொம்ப அதீத முக்கியமான  கேரக்டர் மனசுல பதியவச்சி படத்தில்  வருகிறார் .

இந்த படம் பார்க்கும் போது , சில இடங்கள் கொஞ்சம் என்னடா மிஸ்கின் படம் போல இருக்கே , அந்த ஹீரோ கேரக்டர் நடை பாவனை எல்லாம் அஞ்சாதே நரேன் நடந்துகிறா மாதிரி இருக்கே தோணுச்சு , அட படம் முடியும் போது  டைட்டிலில் எந்த படங்கள் இருந்து inspiration இதுன்னு போட்டு இருக்கார். படத்தை அப்படியே காப்பி அடிக்கமா , அதற்கு credits கொடுத்தது சூப்பர் .

படத்தின் பிளஸ் பாய்ண்ட் திரைக்கதை சொன்ன விதம் , குறிப்பா சில இடங்கள் எம்,ஸ்.பாஸ்கர் மற்றும் அவர் கூட இருக்கும் ரெண்டு பேரு பற்றி ,  ஒரு  பக்கம் விசாரிக்கா , அவங்க எப்படிபட்டவங்கன்னு  காட்டுவது , அப்புறம் இன்டெர்வல் ப்ளாக் அங்க ஒரு பக்கம் பணத்தை பற்றி வெற்றி  விசாரிக்க அதே நேரத்தில் இன்னொருபக்கம் அந்த ஜெய் கேரக்டர் பண்ணும் செயல் காட்டுவதும் , நல்லா இருந்திச்சி , அதே போல் எம்,ஸ்.பாஸ்கர் கேரக்டர் முதலில் ஒரு பகுதி சொல்லிவிட்டு , அவரின் மறுபகுதி பொறுமையாக இறுதியாக போலீஸ் ஸ்டேஷனில் reveal ஆவது அருமை , அப்போ கொஞ்சம் ஆச்சரியம் பட வச்சது , அட இவருக்கு இப்படி ஒரு கேரக்டர்aah ? படத்தின் முழுமையாக ஒரு நேர்மையான திருடனாக மனசில் நின்னுட்டார் , நிச்சயமா ஒரு அவார்ட் உண்டு , ஆனா அது குணச்சித்திர கேரக்டர்க்கு வாங்குவாரா இல்ல வில்லனா தெரியல பார்ப்போம் .

ஹீரோ வெற்றி ரொம்ப வெற்றிடமாக வரும் கேரக்டர், எதிலும் ஒரு interest இல்லாத கேர்டேராக வரார் , மைம் கோபி இன்ஸ்பெக்ட்டராக கொஞ்சம் வந்தாலும் அவர் மேல ஒரு வெறுப்பு வரும் அளவுக்கு நல்ல கேரக்டர், நாசர் அவர் கேரக்டரும் சூப்பர் , படத்தின் பிளஸ் பாய்ண்ட்  ஒரு ஒரு கேரக்டர் நல்ல detail ஆகா work பண்ணி இருக்கார் டைரக்டர் ஸ்ரீ கணேஷ் , அட ஹீரோயின் பற்றி சொல்லவே இல்ல , கொஞ்சமா வந்துட்டு கொஞ்சமா போயிட்டாங்க அவளோதான் .

படத்தில் முதல் பாதி ஒன்னு ஒன்னாக connect ஆகி connect cஆகி போவது சுவாரசியமாக இருந்திச்சி ஆனா இரண்டாவது பாதி அப்படியே ரொம்ப இழுத்துட்டாங்க அதுவும் எம்,ஸ்.பாஸ்கரும் , ஹீரோ வெற்றியும் ஒரு  ஹோட்டலில் பேசும் காட்சி ஆரம்பத்தில் நல்லா இருந்தாலும் ரொம்ப வளவளவென இருக்கு , குறிப்பா பாடல் தேவையில்லை , அதுவும் முதல் பாதியில் 24 மணி நேரத்தில் துப்பாக்கி கண்டுபிடிக்கணும் ஒரு கட்டாயத்தில் இருக்கும் போது ஹீரோயின் கூட பாட்டு தேவையில்லை , அதுவும் இரண்டாவது பாதியில் வரும் பாட்டு காட்டாயமாக வைக்கணும் வச்சா போல இருக்கு .அப்புறம் இப்படி போகும்ன்னு கொஞ்சம் easy ஆகா கணிக்கும் அளவுக்கு இருந்துச்சி சில இடங்கள் , ஒரு  டீ கடையில் மூணு பெரும் டீ குடிக்கும் காட்சி , மற்றும் சில இடங்கள் , அட நம்ம கண்ணுல சில குறைகள் தெரியதான்  செய்யுது , நாசர் முதலில் வரும் காட்சியில் பார்த்தா  அந்த tableல் இருக்கும்  phone, wire இல்லமால் இருக்கும்  , அட phone wire பிஞ்சி ரெண்டு நாள் ஆச்சிபா அப்படின்னு சொல்லணும் தோணுச்சு .

மொத்தத்தில் 8 தோட்டாக்கள் சில தோட்டாக்கள் நல்லா வெடிச்சி இருக்கு சில தோட்டாக்கள் டம்மியாக போயிருக்கு .

இப்படிக்கு 
சினி கிறுக்கன்

Kaatru Veliyidai - காற்று வெளியிடை

காற்று வெளியிடை கண்ணம்மா 
இந்த படத்தை பற்றி என்ன சொல்லுவதம்மா ? 
கொஞ்சம் குழப்பம்மா இருக்குதும்மா , அது யாரால் வந்த காரணம்மா தெரியலம்மா ,

அழகான இடங்களம்மா , கண்களுக்கு குளிர்ச்சியம்மா அதை காட்டியவன் காணொளி மாயவன் , இவன் கைகளால் தூரிகைகள் கொண்டு வரைந்தவன் அல்ல , கண்களை துரிகையாய் கொண்டு வரைந்த ரவி வர்மனம்மா(கேமராமேன்) 

வழக்கமான  மணியின் மணி மணியான காட்சிகளம்மா , அதற்கு  இதயத்துடிப்பு சேர்த்தவன் ரகுமானம்மா  , ஒரு ஒரு காட்சிக்கும் காதல் கரைபுரண்டு ஓடினாலும் அதில் நனைவதற்கு  மனசில்லையம்மா , காரணம் ஏனோ ?

அட படத்தில கார்த்தி இப்படி தான் பாரதியார் கவிதைகள் எல்லாம்  சொல்லுவார் , அதுபோலவே  நாமளும் நம்ம விமர்சனம் பண்ணலாம் பார்த்தேன் ,அடபோங்கப்பா இதுக்குமேல நம்மால இப்படி தான் எழுத முடியும்.

மணிரத்தினம் காதல் படங்களில் காதலுக்கு தனியா ஒரு வில்லனோ , வேற ஏதோ இருக்காது , காதலர்களே அவர்களுக்கு அவர்களே பிரச்சனையாக இருப்பாங்க , மௌனராகம் , அலைபாயுதே , ஓகே கண்மணி படத்தில் எல்லாம் இப்படி தான் இருக்கும் , இதிலும் இப்படி தான் இருக்கு , ஆனால் அந்த படங்களில் செய்த அந்த ஒரு மேஜிக் இதில் மிஸ்ஸிங் ,அந்த படங்கள் பார்க்கும் போது நாமும் அந்த காதலுக்குள் ஒரு அங்கமா இருப்போம் , அது இந்த படத்தில் மிஸ்ஸிங் , ரொம்ப அந்நியமா தெரிகிறது இந்த காதல் , காரணம் ஹீரோயினா ? ஹீரோவா ?
அதுமட்டுமல்ல படத்தில் கார்த்தி மற்றும் அதிதியின் அப்பா அம்மாவாக வருபவர்கள் ரொம்ப அந்நியமா இருக்காங்க , தமிழர்கள் தானே ஏன் தமிழ் முகங்கள் போடலை ? சாரட்டு வண்டியில பாட்டு காட்சியமைப்பு பார்த்தா ரொம்ப அந்நியமா வடநாட்டு காட்சியாக வச்சியிருக்கார் , சமீபத்தில் மணிரத்தினத்தின் பேட்டியில் நிருபர்,  ஏன் ராவணன் படத்தில் கல்யாணம் காட்சிகள் எல்லாம் ரொம்ப அந்நியமாக இருந்ததுன்னு கேட்டார் , அதுக்கு மணிரத்தினம் அந்த படம் ஹிந்தி , தமிழ் ரெண்டிலும் எடுத்தது ,ஒன்னு ஒண்ணுத்துக்கும் தனி தனியா செட் போட முடியாது , பட்ஜெட் பார்க்கணும் அதான் , அது எல்லாம் தவறு தான் அவரே சொன்னாரு , ஆனா இந்த படம் வெறும் தமிழ், தெலுங்கில் மட்டும் தான் வருது , மேலும் என்னதான் அந்த கல்யாணம் டெல்லியில் நடந்தாலும் ,  அந்த பாட்டுக்கு முன்னாடி , கார்த்தி சொல்லுவார் இவங்க தான் எங்க அம்மா பாரதியும் , மீன் குழம்பும் சேர்த்து கொடுத்தாங்கன்னு சொல்லுவார் , அப்படி  சொல்லிட்டு அந்த வீடு , பாட்டு அங்க இருக்கும் ஆட்கள் எல்லாம் தமிழாக தெரியல.

கார்த்திக்கும் , அதிதிக்கும்  காதல் , மோதல் , அவளின் விட்டுக்கொடுத்தல் , கார்த்தியின் மூர்க்கத்தனம் இரண்டுபேருக்கும் உள்ள  இருக்கும் நெருக்கம் இருந்தாலும் , அந்த காதலுக்கும் பார்வையாளருக்கு நெருக்கம் வரல அதுவே இந்த படத்தின் மிக பெரிய மைனஸ், நம்ம பாஷையில்  சொல்லணும்ன்னா கெமிஸ்ட்ரி செட் ஆகல போல .பேசாம வேற யாரையாவது போட்டு இருக்கலாமோ தோணுது .

அதிதி கார்த்தியயை தேடி பேஸ் கேம்ப்க்கு போவது , அலைபாயுதே படத்தில் மாதவன் ஷாலினியை தேடி போவது ஞாபகம் படுத்தியது  .அதிதி ரொம்ப நல்லா நடிச்சியிருக்காங்க டப்பிங் உதடு அசைவுகள் எல்லாம் செம்மையா இருக்கு , ஆனா படத்தில் ஏதோ ஒரு மிஸ்ஸிங் feel , ஒரு வேளை ரகுமானின் பின்னணி இசை இன்னும் காதல் சேர்த்து இருக்கலாமோ  தோணுது .

படம் நிறுத்தி நிதானமா பொறுமையாக போகுது , இரண்டாவது பாதி ரொம்ப நிதானமா போகுது , பொதுவா அவரின் படங்கள் சிட்டி மக்களை திருப்தி படுத்தும் இல்லைன்னா ,அவரின் ரசிகர்களுக்கு திருப்திபடுத்தும் , இது இந்த இருவர்களையும் திருப்திபடுத்துவது கடினம் .

மொத்தத்தில் காற்று வெளியிடை காற்றோடு காற்றாக 

இப்படிக்கு 
சினி கிறுக்கன் 

Kavan - கவண்

ஹலோ பிரபா வைன் ஷாப் ஓனரா? எப்போ சார் கடையை திறப்பீய்ங்கன்னு கேட்கிறாமாதிரி , கவண் review எப்போ போடுவீங்க? கவண் பார்க்கலையான்னு சில நண்பர்கள் நேத்துல இருந்து கேட்டுட்டாங்க ,எப்பா நண்பர்களே  இந்தாங்க review போடுறேன் படிச்சிகோங்க 

கடந்த டிசம்பர் மாசத்துல இருந்து ஏன் போன வருஷ தேர்தல் நேரத்தில இருந்தே இந்த டிவி காரங்க பண்ணுற அட்டகாசம் கொஞ்ச நெஞ்சம் இல்ல , அவங்க என்னவெல்லாம் தகுடுதனம் பண்ணுவாங்கன்னு தோலுரித்து காட்டினது தான் இந்த கவண் ,இந்த மீடியாவின் உண்மை முகத்தை காட்டி வந்த சில படங்களில் போலோகம் ஒரு விளையாட்டை வச்சி எப்படி இந்த மீடியா விளையாடுதுன்னு காட்டியது , ஆனால் இந்த படம் முழுக்க முழுக்க மீடியாவின் முழு முகத்தையும் காட்டி இருக்கு .

படத்தின் பிடிச்ச விஷயங்கள் , எப்படி இந்த டிவி சேனல் இயங்குதுன்னு , அதன் technical விஷயங்கள் மக்களுக்கு புரிகிறா மாதிரி முதல் காட்சியிலே காட்டியிருப்பது  நாமும் அந்த சேனல்க்கு போனா மாதிரி ஒரு உணர்வு , மேலும்  அதுக்கு அப்புறம் இந்த ரியாலிட்டி ஷோக்களில் அவங்க பண்ணும் அட்டகாசம் , ஒரு அரசியல்வாதி பற்றி எப்படி எல்லாம் காசுக்காக நல்லவனாகவும் , கெட்டவனாகவும் காட்டி இருப்பது செம்ம ,பிறகு நாம் நினைக்கும் பல விஷயங்கள் படத்தில் கேள்விகளாக வெளிப்படுவது நம்மை கைதட்ட வைக்குது .  குறிப்பாக மார்க்கெட்டிங் விஷயங்கள் , ஒரு சில காட்சிகள் வைத்து அதை அவர்களுக்கு ஏற்ப மாற்றுவதுன்னு , இது எல்லாம் பார்க்கும் போது அடப்பாவிங்களா  இப்படியெல்லாம் நடக்குதான்னு கேட்க தோணுது ,படத்தின் கதை டிவில் நடக்கும் அவலங்கள் அவ்ளோதான் 
 இரண்டாவது பாதி கடைசி காட்சிகள் இப்படி தான் வரும்ன்னு நம்மால் யூகிக்க முடிவதால் அது பெரிய impact மனசுல வரல , ஆனால் அது bore அடிக்கல .முக்கியமா இண்டெர்வெல் பிளாக் அல்டிமேட் சூப்பர் , எப்படியோ எதிர்பார்த்து எப்படியோ இன்டெர்வல் வச்சிட்டாரு , அதை படம் பார்த்து தெரிஞ்சிகோங்க.

கே.வி .ஆனந்த்க்கு ஒரு முத்திரை இருக்கு , அது இதுலயும் காட்டி இருக்கார் , முக்கியமா கதை , அவரோட கதை கொஞ்சம் சமூதாய பார்வையோடு இருக்கும் , அதே நேரத்தில் மசாலா தேவையான அளவுக்கு கலந்து கொடுப்பார் , அப்புறம் அவரோட படத்தின் நடிகர்கள் , ஜெகன் , விஜய் சேதுபதியின்  அம்மாவாக, அப்பாவாகவும்  வருபவர்கள் , ரியாலிட்டி ஷோவில் வரும் இரண்டு ஜட்ஜ், அதில் ஒருவர் அயன் படத்தில் நகை கடை ஓனராக வருபவர் , இதில் போலீஸாக வருபவர்   , முக்கியமா வில்லன் அயன் படத்தில் நடித்தவர் , போஸ் வெங்கட் இப்படின்னு அவரோட கோ , அயன் படத்தில் நடிச்சவரகள் நிறையபேர் இதில் இருக்காங்க, மேலும் சில காட்சிகள் ரெஸ்ட்ரூம் காட்சி ,  கிட்டதிட்ட கோ படத்தின் காட்சி ஞாபகம் படுத்தியது , ஒரு வேளை  அவருக்கு ரெஸ்ட்ரூம் காட்சி வெற்றி சென்டிமென்ட்டோ ? அதே போல கிளைமாக்ஸ் காட்சி ஒரு சஸ்பென்ஸ் வச்சி அப்புறம் பிளாஷ் பேக் காட்டுவது அவரோட ஸ்டைல் . அப்புறம் ஒரு சண்டை காட்சியில் நிச்சயமா வேகமா பறந்து அப்படியே கொஞ்சம் slow பண்ணி அதை freeze பண்ணி அதுக்கு ஒரு different soft bgm போடும் காட்சி நிச்சயமா இருக்கும், இதுலயும் இருக்கு அது.

  
விஜய்சேதுபதி மனுஷன் எந்த கேரக்டர் பண்ணாலும் பின்னுகிறார் , அந்த ஹோட்டல் காட்சி , interview காட்சி , opening காதல் காட்சி பக்காவாக பண்ணி இருக்கார் , அவருக்கு ஒரு குறைன்னு சொன்னா அது அவரோட ஹேர் ஸ்டைல் தான் , அவருக்கு இந்தபடத்தில் செட் ஆகல ,அட முக்கியமான நம்ம டி, ஆர் அவரை பற்றி சொல்லனும்னா அவரோட வழக்கமான வசனங்கள் படத்தில தேவையான அளவுக்கு யூஸ் பண்ணி இருக்கார் , அவரோடைய வழக்கமான  பன்ச் வசனங்களுக்கு  மக்கள் கை தட்டுறாங்க .

மெடோனா  செபாஸ்டின் , விக்ராந்த் ,கிருஷ்ணா , பாண்டியராஜன் , இவங்க எல்லாம் அளவா பயன்படுத்தி இருக்காங்க , அதை அவங்களும் நல்லா பண்ணி இருக்காங்க .

ஹிப் ஹாப் தமிழா பாடல் ஹிப் ஆகவும் இல்ல ,பெப் ஆகவும் இல்ல , பாப்புலர் ஆகவும் இல்லை.

ஒரு ஒரு கட்சிகளும் நடத்தும் ஒரு ஒரு டிவி சேனலுக்கு  இந்த படம் ஒரு செருப்படி , ஆனா இந்த படத்தை வாங்கியது எந்த கட்சி டிவியோ ?

மொத்தத்தில் கவண் மீடியாவை கவ்வியவன் , மக்கள் மனதை கவர்ந்தவன் .

இப்படிக்கு 
சினி கிறுக்கன் 

Dora - டோரா

செம்ம மாஸ் , செம்ம கெத்துன்னு  செம்ம ஹீரோயிசம்ன்னு ஒரு ஹீரோக்கு தான் நாம் சொல்லுவோம் , அப்படி இல்லாம ஒரு ஹீரோயின்க்கு  முதல் முறையா சொல்லுறோம் , அதுவும் நயன்தாரா ஓப்பனிங் சீன் , ஒரு வில்லனை அழிக்கிற சீன் , ஸ்டைல் ஆகா ஒரு கொலைக்கு அப்புறம் phone எல்லாம் தூக்கி போட்டு வரும் போதும் சரி  ,இப்படி ஒரு ஹீரோ என்னவெல்லாம் பண்ணுவாரோ ,அதுபோல இதில்  வரும் காட்சிகள் போது தியேட்டர்ல செம்ம வரவேற்பு , செம்ம விசில் செம்ம கைத்தட்டு, பக்கா மாஸ் அதே நேரத்தில அதுக்கு சரியா மாஸ் bgm  வேற கொடுத்து இருக்கார் மியூசிக் டைரக்டர் 

படத்தின் கதை என்ன? முதல் பாதி வரை ஒரு காட்சி கூட படத்தின் கதைக்குள்ள போகல , இதுவரைக்கும் தமிழ் சினிமாவுல வராதா பேய் கதை, ஆனா வழக்கமான பிளாஷ் பேக் அதுக்கு பழிவாங்க வரும் பேய் கதை தான், ஆனால் அது பேய் எதுல வருது ஏன் வருதுன்னு படம் பார்த்துக்கோங்க . படத்தின் இரண்டாவுது பாதி குழந்தைகள் படம் போல இருக்கு ஆனா குழந்தைகள் பார்ப்பது போல இல்ல , , ஏன்னா படத்துக்கு A certificate கொடுத்து இருக்காங்க .

தம்பி ராமையா படம் full ஆகா வரார் , ஆனா ஒன்னும் ரசிக்கிறா மாதிரி இல்ல , காமெடியாக நினைச்சி அவரும் , நயனும் பண்ண ஒரு  காட்சி கூட காமெடியாக இல்ல , ஆனா நயனின் நடிப்பு கொடுத்த 120 ரூபாய் சரியாக போச்சி . ஒரு ஸ்டேஷன் சீன்ல  அந்நியன் விக்ரமாக கொஞ்சம் , வேதாளம் கிளைமாக்ஸ் காட்சி அஜித் கொஞ்சம் போல, நடிப்புல லேடி கமலாக , மாஸில் லேடி ரஜினியாக இப்படி ஒரு கலவையா  கலக்கி screen ல வராங்க , இது போல இன்னும் சில படங்கள் அதுவும் நல்ல ஆழ்ந்த கதை உள்ள படம் பண்ணா நிச்சயமா ஹீரோவே இல்லாத படங்கள் வரும் trend செட் ஆகும்.

படத்தின் ஒரு கார் சேசிங் காட்சிகள் செம்ம மாஸ்ஆகா  ட்ரை பண்ணியிருக்காங்க,  ஆனா அது எனக்கு செம்ம காமெடியாக செம்ம சிரிப்பு தான் வந்துச்சி, அதுலயும் நயன்தாரா அவங்க அப்பாவை கண்டுபிடிக்க அவரோட பெட்ஷீட்டை வச்சி கண்டுபிடிக்க முயலும் காட்சி செம்ம ஐடியா கை தட்ட வேண்டிய சீன்  , ஆனா காமெடியின் உச்சக்கட்டம், எனக்கு அப்படி சிரிப்பு வந்துச்சி.

அப்படி என்ன வடிவத்தில் தான் பேய் வருதுன்னு கேக்குறீங்களா ? நாம் டிவில பேய் வந்து பார்த்து இருக்கோம் , செத்து போய் ஈஆகா வந்த படத்தையும் பார்த்து இருக்கோம் , ஆனா இது  bow bow + டர்ர்ர்ர்ர்ர் ர்ர்ர்ர்ம்ம்ம்ம்ம்ம்ம்  தான் இந்த டோர்ர்ர்ர்ரா , புரிஞ்சா பார்த்துக்கோ , முடிஞ்சா பார்த்து பொழைச்சிகோ .

மொத்தத்தில் இந்த டோரா முதல் பாதி ரொம்ப போரா, இரண்டாவது பாதி கொஞ்சம் ஜோரா , கடைசியில் கொஞ்சம் டாரரா வரும்.

இப்படிக்கு 
சினி கிறுக்கன்  

Kadugu - கடுகு

கடுகு சிறுத்தாலும் காரம் குறையாதுன்னு சொல்லுவாங்க , மேலும் பல reviewல் இது தான் சொல்லி இருப்பாங்க, அதனால நான் அப்படி சொல்ல ,  ஆனா வித்தியாசமா சொல்லனும்னா இந்த கடுகு ஒழுகா பொரிந்து இருக்கா இல்லையா பார்ப்போம் வாங்க  .

கெட்டவங்களை விட மோசமானவங்க , தப்பு நடக்கும் போது  தடுக்காத நல்லவங்க தான் , இது ஒரு வரி தான் இந்த படத்தின் கதை , நிச்சயமா இது ஒரு வித்தியாசமான கருத்து , இந்த கருத்தை  சொல்லுகிறோம்ன்னு ரொம்ப bore அடிக்கலாமலும், அதே நேரத்தில் commercial கலவைகளை அதிகமாக கலக்காமலும் , சரியான அளவுக்கு கலந்து மக்களுக்கு பிடிக்கிறா மாதிரி கொடுத்து இருக்காரு டைரக்டர் . மேலும் இந்த படத்தை பார்க்க போகணுமா ஒரு சந்தேகம் இருந்துச்சி , அது ஏன்னா கோலி சோடா போல செம்ம படம் கொடுத்த விஜய்மில்டன்  , அந்த எதிர்பார்ப்புல 10 எண்றதுக்குள்ள போயிட்டு நாம் மொக்க வாங்கினதால , இந்த படத்துக்கு போலாமா வேண்டாமா ஒரு சந்தேகம் இருந்துச்சி அதுவும் ராஜ்குமாரன் எல்லாம் ஹீரோவா ? அப்படின்னு ஒரு கேள்வி வேற மனசுக்குள்ள , ஆனா அது எல்லாத்தையும் தவிடு பொடி ஆகிடுச்சி இந்த சிறிய கடுகு .

இந்த படத்தின் பெரிய ப்ளஸ் கேரக்டர் வடிவமைப்பு அதுக்கேற்ற நடிகர்கள் , ராஜகுமாரன் , அவர் நண்பனா வரும் அனிருத் , பரத் , அவர் வீட்டுல இருக்கும் கிழவி , போலீஸாக நடித்து இருக்கும் டைரக்டர் வெங்கடேஷ் , டீச்சராக வரும் ராதிகா , இதுல ராஜ்குமார் கேரக்டர் அருமை , அவர் இதுக்கு முன்னாடி நடிச்ச படங்களை செம்ம கலாய் கலாச்சி இருக்கோம் அதுவும் அவரோட தோற்றத்தை வச்சே , ஆனால் இந்த படத்தில் பார்த்த சத்தியமா  அவரை தவிர வேற யாரும் அந்த கேரக்டர்க்கு இவ்வளவு justification கொடுத்து இருக்க முடியாது , அந்த innocence , அவர் பேசும் விதம் , அந்த கேரக்டர் உள்ளுக்குள்ள இருக்கும் நல்ல மனசு வெளிப்படும் இடம் அதை கோபமாகவும் , தன்னால் கையாலாகாத்தனத்தை விரக்கதையாகவும் நாமளும் அந்த கேரக்டர் உடன் ஒன்ற வச்சிட்டாரு , அப்புறம் பரத், எனக்கு தெரிஞ்சி இது அவரோட சினிமா வாழ்க்கையில் ஒரு நல்ல படம் , குற்றம் கடிதல் ராதிகா இதுலயும் டீச்சர் ரோல். அநேகமா மேலும் சில படங்கள் தமிழ் சினிமா டைரக்டர்கள் உங்களை டீச்சர் ஆகா தான் நடிக்க கூப்பிடுவாங்க போல, மற்ற நடிகைகள் போல இல்லாமல் இது போல நல்ல வித்தியாசமா உங்களுக்கு படத்தில் சமபங்கு உள்ள படமா நடிங்க .ஏம்பா யாருப்பா அந்த பாட்டி போலீஸ்காரங்களை பார்த்து வாட்ச்மேன் சொல்லிட்டு மேலும் பல இடங்களில் சாப்பாடை வச்சிக்கிட்டு அலப்பறை பண்ணுவது செம்ம .

படத்தில நிறைய காட்சிகளும் , வசனங்களும்  ரொம்ப ரசிக்கும்படி இருக்கு , ராஜ்குமார் facebookல் chat செய்யும் காட்சி  ரொம்ப அருமை , அவரோட நண்பன் wifi பத்தி சொல்லும் போது , அப்பாவியாக யாரோட wife connection ன்னு கேக்கும் போதும் சரி ,trainல்  இந்த FB, twitter வந்ததால தான் பல பேரு எழுத்தாளராகவும் , கவிஞராகி இருக்காங்க இன்றைய  FB, twitter நிலையை பற்றி சொல்லும் போதும் சரி , மேலும் சன்னி லியோனை  வச்சி சமுகத்திற்கு ஒரு சாட்டை அடி வசனம் ஒன்னு வரும் அது  ultimate , , இப்படி பல இடங்களில் சாதாரணமா அப்பாவியாக அவர் சொல்லும் வசனங்கள் மக்கள் கிட்ட கைதட்டு வாங்குகிறார் . அதுபோல டைரக்டர் வெங்கிடேஷ் சொல்லும் வசனம் , தனி ஒருவன் ஒழுக்கமா இருக்கணும் நினைச்சா கூட இந்த சிஸ்டம் விட்டு வைக்க மாட்டேங்குது, அப்புறம் படத்தின் ஆரம்பத்தில் குடியை பற்றி சொல்லும் வசனத்தில் ஜட்டியை உதாரணமா வச்சி சொல்லும் வசனம் சூப்பரோ சூப்பர் , இப்படி பல இடங்களில் வசனங்கள் கைதட்ட வைக்குது .அநேகமா  வசனத்துக்காக பல விருதுகளில் இந்த படம் nominate ஆகும் .


படம் ஆரம்பிச்ச சில நிமிஷங்கள் screenல்  directors தான் வராங்க , டைரக்டர் பாலாஜி சக்திவேல் , டைரக்டர் ராஜகுமாரன்(ஹீரோவாக) , டைரக்டர் வெங்கடேஷ் , டைரக்டர் ஸ்.ஸ். ஸ்டான்லி, அதுவும் படத்தின் முதல் காட்சி ஒரே டேக் .

படத்தில் இடைவேளையில் ஏதோ ஒரு விபரீதம் நடக்க போகுது என்று தெரிஞ்சாலும் , அது இப்படி நடக்கும்ன்னு நான் எதிர்பார்க்கவில்லை , அது எதுன்னு கேட்கறீங்களா ? அதை படம் பார்த்து தெரிஞ்சிக்கோங்க ,

படத்தின் குறைன்னு சொல்லனும்னா அது இரண்டாவுது பாதி ஆரம்பித்து ரொம்ப நேரம் கதை அடுத்த கட்டத்துக்கு நகராமல் இருப்பது போல ஒரு உணர்வு , ஏன்னா இரண்டாவது பாதியில் ரொம்ப நேரம் ஒரு ஒரு கேரக்டர் எப்படி feel பண்ணறாங்கன்னு காட்டுறாங்க , படம் அடுத்தகட்டதுக்கு போகும் காட்சி அமைய சற்று நேரம் ஆகுது , டைரக்டர் வெங்கடேஷ் கதையை விட்டு போன பிறகு தான் படம் சூடு பிடிக்குது .நல்லவேளை படத்தில் தேவையில்லாத பாட்டு எல்லாம் வச்சி மொக்கை போடல .

டைரக்டர் விஜய்மில்டனுக்கு வேஷ்டி அவிழ்க்கும் காட்சின்னா ரொம்ப பிடிக்கும் போல , கோலி சோடாவிலும் வரும் , இதுலயும் வருது ,மேலும் கோலி சோடா மியூசிக் டைரக்டர் என்பதால் , அந்த படத்தில் முடியும் போது வரும் அதே bgm இதுலயும் வருது , ஒரு வேளை அவருக்கு ஹிட் சென்டிமென்ட்டோ ?

எப்போதும் சமையலில் கடுகு தான் முதலில் தாளிக்க போடுவாங்க அது போல , ஒரு நல்ல படம் உருவாக மாநகரம் , கடுகு போல படங்கள் ஒரு முதல் உதாரணமாக இருக்கட்டும் .

மொத்தத்தில் இந்த கடுகு நல்லாவே பொரிந்து இருக்கு .

இப்படிக்கு 
சினி கிறுக்கன் 

Managaram - மாநகரம்

இரண்டு வாரங்களா வேறு சில வேலைகளால் எந்த படமும் பார்க்கல, அதனால இன்னைக்கு தான்  இந்த படம் பார்க்க முடிஞ்சிது ,இந்த படத்தை பார்த்து அதை பற்றி எழுதுவது ரொம்ப லேட் தான்,  இருந்தாலும் எழுதுகிறேன் , ஏன்னா போன வருஷம் இப்படி சில நல்ல படங்கள் பார்த்து எழுதாம விட்டு இருக்கேன் , மேலும் இந்த படத்தை பற்றி ஏன் எழுதவில்லைன்னு ஒரு நண்பன்  கேட்டு இருந்தார் , மேலும் இந்த படத்தை பார்த்து கண்டிப்பா நான் எழுத வேண்டும்ன்னு அருண் என்னும் என் நண்பர் கேட்டு இருந்தார் .அதனால லேட்டாக பார்த்தாலும் பரவாயில்லை என்று இப்போ எழுதுகிறேன் .

மாநகரம் இந்த படத்தின் கதை நடப்பது நம்ம சென்னை மாநகரம் , படம் பெயர் போடுவதுற்கு முன்னாடியே இந்த படத்தில் யார் யார் வருவாங்க எப்படிபட்டவங்க , என்னன்னு சரியாக  தெளிவா ஒரு ஸ்கெட்ச் போட்டு மக்கள் மனசுல பதிகிற அளவுக்கு அழகா படத்தை open பண்ணிட்டாரு டைரக்டர் , படத்தின் டைட்டில் கூட நல்ல வித்தியாசமா அப்படியே ட்ராவல் பண்ணுவது அருமை .

படத்தின் பிளஸ் பாயிண்ட் ஒரு ஒரு கேரக்டரும் வேஸ்ட் பண்ணாமல் அதே நேரத்தில்   அவங்களை டம்மி ஆக்காமல், அதே நேரத்தில் ஹீரோ கேரக்டர் என்பதால் ரொம்ப தூக்கி வைக்காமலும் அளவா பயன்படுத்தி பாக்கறவங்க மனசுல பதியவைப்பது சூப்பர் , ஹீரோ ஸ்ரீ ,சந்தீப்  மேலும் மற்ற கேரக்டர் முனிஸ்காத் , சார்லி , குழந்தையா கடத்துகிற கும்பல் ,பணக்கார வில்லனாக வரும் மதுசூதனன் , போலீஸ் இன்ஸ்பெக்டர் , ஸ்ரீக்கு ஹெல்ப் பண்ணும் கான்ஸ்டபிள், ஸ்ரீயோட நண்பன் கார்த்திக் யோகி  இப்படின்னு எல்லா கேரக்டர் மனசுல நிக்குது .

படம் வேற ஒரு நாளில் நடக்குது , பாதி படம் இரவில் நடக்குது வேற ,படத்தின் கலர் டோன், மேலும்   ஸ்ரீ ஹீரோ வேற,  அதனால என்னவோ எனக்கு எல்லாம் பார்க்கும் போது எனக்கு  கொஞ்சம் ஓநாயும் ஆட்டு குட்டியும் படத்துக்கு வந்துடோமோன்னு   தோணுச்சு ,

படத்தில் ஒரு ஒரு கேரக்டர் தனி தனியா காட்டி அவங்களை ஒரு கட்டத்துக்குள் ஒருவரை ஒருவர் ஒரு கதைக்குள் சந்திக்க வச்சி இருக்கார் டைரக்டர் , மேலும் அதே நேரத்தில் குழப்பாமல் தெளிவா கொடுத்து இருக்கார் .

படத்தில் சின்ன சின்ன விஷயங்கள் நல்லா பண்ணி இருக்காங்க , பைக்ல் போகும் போது ஸ்ரீ பார்க்கும் காட்சிகள் ஒருத்தருக்கு ஒருத்தர் ஓத்தான்னு சொல்லி திட்டிப்பது , ஏன் சின்ன பசங்கள் கூட அப்படி திட்டிப்பது என்று நம் மாநகரத்தின் உண்மையான முகத்தை காட்டி இருப்பது செம்ம .அதை ஆதங்கமாக சார்லி கிட்ட சொல்லுவது சூப்பர் , இப்படி பல காட்சிகள் சொல்லலாம் , குறிப்பா முனீஸ்காந்த் படத்தின் மிக பெரிய ப்ளஸ் , அவர் phone போட்டு காசு கேட்க்கும் சீன் படத்தின் உச்ச கட்ட ultimate , இந்தளவுக்கு ஒரு சீரியஸான படத்தில் , கதை ஓட்டத்தோடு முனீஸ்காந்த் அவரோட face expression  வச்சி காமெடி செய்த்ததுக்கு  ஒரு பெரிய கைத்தட்டு . இவ்வளவு ஏன் அந்த சின்ன பையன் கூட நல்லா பண்ணியிருக்கான் , குறிப்பாக பஸ் ஸ்டாண்டில் சந்தீப் மற்றும் ரெஜினா பேசும் போது மயக்கத்தில் கண்ணை சொருகி  நின்னு கொண்டு  நடிக்கும் அந்த சின்ன பையனுக்கு ஒரு கைத்தட்டு .

படத்தின் ஒரு இடத்தில பொறுமையா இருந்த ஸ்ரீ  , வீரம் கொண்டு அந்த அடி ஆட்களை அடிச்சி நொறுக்கி முடிச்சு நிக்கும் போது, அவருக்கு பின்னாடி "கதம் கதம் " படத்தோட போஸ்டர் ஒட்டி இருக்கும் , அது டைரக்டர் தெரிஞ்சி அங்க வச்சாரா இல்ல தெரியமா இருந்த அந்த போஸ்டர் யூஸ் பண்ணிகிட்டாரா ? ஒரு வேளை தெரிஞ்சு வச்சி இருந்தா இது தான் டைரக்டர் touch ah ?

படத்தின் இன்னொரு ப்ளஸ் வசனங்கள் அதுவும் சென்னையை பற்றி வரும் வசனங்கள் எல்லாம் நான் கைதட்டி ரசிச்சேன் , குறிப்பா சார்லி சொல்லும் " இந்த ஊரை திட்டுவாங்களே தவிர ஊரை விட்டு போக மாட்டாங்க " இந்த வசனத்தை  கேட்கும் போது , என் நண்பரகள் சிலர் தான் ஞாபகம் வந்துச்சி இப்படி ஊரை விட்டு இங்க வந்து சென்னை இப்படி திட்டுவாங்க , ஊரு சரி இல்ல , கிளைமேட் சரி இல்ல, குப்பையா இருக்குன்னு சொல்லுவாங்க , அப்போ அவங்கள பார்த்து நான் கேட்டு இருக்கிறேன் அப்புறம் என்ன _______ க்கு இங்க இருக்கன்னு ?
அப்புறம் இன்னொரு வசனம் " ஒரு ஒருத்தரும் ,ஒரு ஒரு ஊர்ல இருந்து வந்தவங்க , மனிதர்கள் பண்ணும் தப்புக்கு  ஊரை குறை சொல்லாதீங்க "  அப்புறம் " நீங்க ஒருத்தருக்கு பண்ணா தான் உங்களுக்கு ஒருத்தன் வந்து பண்ணுவான் " இப்படி பல சென்னைக்கு சப்போர்ட்டாக வரும் வசனங்கள் என்னை புல்லரிக்க  வச்சது , சென்னைன்னு இல்லங்க உங்களுக்கு சோறு போடும் ஊரு எந்த ஊராக இருந்தாலும் சரி பழி சொல்லாதீங்க(இது என்னோட கருத்து)

படத்தில் இசை , எடிட்டிங் எல்லாம் குறை சொல்லும் படி இல்லை , படம் நல்லா tight ஆகா போகுது எங்கேயும் bore அடிக்கல , பாட்டும் படத்தோட போவதால் படத்தின் வேகத்தை குறைக்கவில்லை .படம் முடியும் போது தான் ,அட யார் பேரும் படத்தில் வரலன்னு தெரியவந்தது .

மொத்தத்தில் மாநகரம் மனசில் நிற்கும்  நகரம்.

இப்படி
சினி கிறுக்கன் .

Kuttram 23 - குற்றம் 23

ஈரம் , வல்லினம் , ஆறாவது சினம் இப்படி அறிவழகன் படம்ன்னா நிச்சயமா ஒரு தரமா அதே நேரத்தில் கொஞ்சம் வித்தியாசமா இருக்கும் ஒரு நம்பிக்கையோட போனேன்  , அந்த நம்பிக்கை வீண் போகவில்லை அதுவும் ராஜேஷ் குமார் கதை வேற, அப்போ  சொல்ல வேண்டியது இல்ல, நிச்சயமா நல்லா தான் இருக்கும்ன்னு போனேன் .ராஜேஷ் குமார் கதை எல்லாம் படிச்சது இல்லை மத்தவங்க சொல்லி கேட்டு இருக்கேன்

படம் ஆரம்பிக்கும் போதே அதன் டைட்டில் backgroundல் போகும் காட்சி அமைப்பு வச்சே இதன் கதை (கரு ) எது சம்பந்தபட்டது என்று தெரியுது , மேலும் அருண்விஜயோட  அவங்க குடும்பம் பற்றி காட்சி வரும் போது ,அது இன்னும் உறுதிபடுத்துடுச்சி , ஆனால் அது எதனால்? யாரால்? எப்படி நடக்குதுன்னு சொல்லமால், அதன் கதை(கரு) முடிச்சியை கடைசி வரை கொண்டு போவது அருமை .

படத்தின் பிடிச்ச விஷயங்கள் என்னனா படம் பார்க்க பிரெஷ் பீலிங் இருக்கு , படம் ஆரம்பத்தில் கதைக்குள்ள சீக்கிரம் போகுது , கொஞ்சம் கொஞ்சம் காதல் அது இது இருந்தாலும் அது படத்திற்கு பெரிய தடையா தெரியல , அருண்விஜய் ஹீரோயினை காமிஷினர் ஆபீஸ்ல detail ஆகா விசாரிப்பது நல்ல இருந்துச்சி , அருண்விஜய் ஒரு அப்பார்ட்மெண்ட்ஸ்ல் சண்டை போடும் காட்சி நல்லா இருக்கு, மஞ்சிமா நம்பியார் அளவான தேவையான ரோல் பண்ணி இருக்காங்க , இவங்கள எங்கயோ கொஞ்சம் தெரிஞ்சா மாதிரி இருக்கு ஆனா புதுசா இருக்காங்களே நினைச்சேன், கூகுளை தட்டின அப்பறம் தான் தெரியுது சாட்டை  படத்தில வந்தவங்க தான் இவங்க,  அடேடேய் ஆச்சரியக்குறி !!..தம்பிராமையா லைட் ஆகா சிரிக்க வைக்க ட்ரை பண்ணாரு  ஆனா அந்த அளவுக்கு எடுபடல , கடைசியா அரவிந்த் ஆகாஷ் விசாரிக்கும் சீன ல நல்லா பண்ணி இருந்தார் .

படத்தில் எனக்கு கொஞ்சம் நெருடலாக இருந்தது சில விஷயங்கள் அது என்னனா , முன்னாடி சொன்னது போல படத்தின் கதை(கரு) என்னன்னு தெரிஞ்சாலும் அது யாரால் , எதற்காக செய்றாங்கன்னு தெரியாம வச்சி இருக்கிறது அருமையாக இருந்தாலும், படத்தின் இரண்டாவுது பாதியின் ஆரம்பத்திலே சொல்லி இருந்து அருண்விஜய் , கிருஷ்ணா வம்சி காட்சிகள் இன்னும் கொஞ்சம் வச்சி இருந்தா   நல்லா இருந்து இருக்கும் , மேலும் கதையின் த்ரில்லிங் feel இருந்தாலும் அது இன்னும் கொஞ்சம் வேகமா காட்சியம்மைப்புடான் இரண்டாவுது பாதி சொல்லி இருந்தா படம் இன்னும் நல்லா இருந்து இருக்கும் , குற்றம் 23க்கு வம்சி சொல்லும் காரணம் அதுக்கு அவர் செய்யும் செயல்கள் கொஞ்சம் ஏற்றுக்கொள்ளும்படியாக  இல்லை , ஒருவேளை  இது நாவல் கதை என்பதால் வம்சி கேரக்டர்  detail ஆகா சொல்ல இந்த படம் பத்தாதுன்னு அதை  கொஞ்சமாக சொன்னதால என்னமோ அது கொஞ்சம் பாதியில விட்டது போல ஒரு உணர்வு

படத்தின் பெயர் பொருத்தம் ரொம்ப அருமையாக பொருந்தியிருக்கு , நாவல் பெயரும் அதே தான் குற்றம் 23 , நான் கூட இந்த 23 என்பது சட்டத்தில் ஒரு  எண் அல்லது அந்த படத்தில் நடக்கும் குற்றத்தின் எண்ணிக்கையோ நினைச்சேன் ஆனா படத்தின் கதைக்கும் விஞானமாகவும் இருக்கு அந்த 23.

மொத்தத்தில்    ஓரளவு குற்றமில்லா குற்றம் 23 இது

இப்படிக்கு
சினி கிறுக்கன்

Baashha - பாட்ஷா

நான் வந்துட்டேன் சொல்லு   திரும்ப வந்துட்டேன் சொல்லு , 22 வருஷதுக்கு  முன்னாடி எப்படி போனேனோ அப்படியே இந்த பாட்ஷா வந்துட்டேன் சொல்லு. ஐயோ இது கபாலி வசனமோ? பரவாயில்லை இந்த படம் டிஜிட்டல் மாற்றம் செய்து வந்து இருக்கு , அதனால நாமும் இப்படி வசனம் சொல்லலாம் தப்பு இல்லை.

இந்த படத்தை பற்றி எல்லாம் review எழுத நான் யார் ? அதுவும் சூப்பர் டூப்பர் ஹிட் ஆனா படம் , இருந்தாலும் பரவாயில்லை எழுதுங்கன்னு என்னோட நண்பர்கள் தூண்டுதலின்பேரில் எழுத போறேன் , ஆனால் இந்த படத்தில் விமர்சனம் செய்யப்போவது இல்லை , இந்த படம் பார்த்த experience தான் ஷேர் பண்ண போறேன் .

சத்தியமா சொல்லுறேன் இந்த படத்தை என் வாழ்க்கையில சத்யம் தியேட்டர்ல போயிட்டு அதுவும் மெயின் screenல middle rowல , middle சீட்ல  perfect positionல உட்கர்ந்து அதுவும் first day பார்ப்பேன் கொஞ்சம் கூட நினைச்சி பார்க்கல , முதல் நாள் என்பதால்  செம்ம விசில் கைத்தட்டு எல்லாம் இருக்கும் எதிர்பாத்தேன் ,ஆனா எதிர்பார்ப்பையும் மீறி  screen கிட்ட பலபேர் போயிட்டு நின்னுகிட்டு டான்ஸ் ஆடிக்கிட்டு , இன்னும் பல பேரு அந்த காட்சிகளை மொபைல்ல பதிவு பண்ணிக்கிட்டு இருந்தாங்க அப்படி இருந்ததில் நானும் ஒருத்தன் , இப்படி ஆட்டம் பாட்டம் கொண்டாட்டம் எல்லாம் பார்க்கும் போது, அட  இந்த படம் இப்போ தான் முதல் தடவையா ரிலீஸ் ஆகுதோ என்ற எண்ணம் எனக்கு தோணுச்சு .

இந்த படத்துக்கு வந்த  ஒரு ஒரு தலைமுறை சார்ந்தவங்க எப்படி ரசிச்சாங்க தெரியுமா ? ,  இப்போ இளைஞனாக இருக்கறவங்க , ஆனா  படம் முதல் தடவை வெளிவந்தப்போ பிறக்காதவங்க அல்லது முதல் தடவை வெளிவந்த அப்போ விவரம் தெரியாம பார்த்தவங்க(என்னை போல ) , இப்போ 5-10 வருஷத்திலே பிறந்தவங்க ,ரொம்ப வசயனாவங்க , இப்படி பல தரப்பு மக்களை வரவச்சி இருக்கு இந்த படம் ,என்னதான் டிவி ல பல தடவை பார்த்து இருந்தாலும், ஒரு தியேட்டர்ல கூட்டத்தோடு கூட்டமாக பார்த்து enjoy பண்ணறது செம்மங்க .


இந்த படத்தில் எந்த காட்சியல்லாம் மக்கள் ரசிக்கறாங்க என்பதை என்னால் கவனிக்க முடிச்சது, நீங்கள் ரஜினி வரும் மாஸ் சீன் தான் ரசிப்பாங்க என்று நினைச்சா அது தப்பு ,  ரகுரவரன் காட்டும் முதல் காட்சிக்கு கூட மக்கள் அவரை செம்ம ஆரவாரமாக வரவேற்றாங்க அந்த அளவுக்கு அவரோட கதாபாத்திரம் ஹீரோவுக்கு equalலாக இருந்தது தான் அதுக்கு காரணம் ,
அவ்வளவு எதுக்குங்க ? ஜனகராஜ் ஆட்டோ ஸ்டாண்டில் வரும் காட்சி கூட மக்கள் விசில் அடிச்சி ஜனகராஜை வரவேற்றாங்க  , அது கூட ஏங்க ,அந்த அடியாளாக வரும் சிங்க்கு  கூட மக்கள் கைதட்டுனாங்க , அப்போ தான் எனக்கு சந்தானம் சொல்லுகிற வசனம் ஞாபகம் வந்துச்சி (நீ எல்லாம் ஒரு அடியாளு உனக்கு சிங் recommendation வேற ).  அவ்வளவ்வு  ஏன் opening பாட்டு ஆட்டோகாரன் பாட்டுக்கு தான் ஆடினாங்க பார்த்தா , ரா ரா ராமையா பாட்டுக்கு கூட ஆடுவாங்கன்னு  எதிர்பார்க்கவில்லை  , அடுத்து எது வரும் ,காட்சிக்கு காட்சி , வசனத்துக்கு வசனம் நல்லா  தெரிஞ்சு இருந்தாலும், மக்கள் அதை முதல் தடவை பார்ப்பது போல ரசிச்சாங்க .

சரி புதுசா வந்த பாட்ஷாவில் என்ன பண்ணி இருக்காங்க ? படம் புதுசா பார்க்கிறா மாதிரி என்ன இருக்கு? , சவுண்ட் effects இப்போதைக்கு புது படம் பார்ப்பது போல extra பண்ணி இருக்காங்க , பல இடங்களில் bass தெரியுது , குறிப்பா ரகுவரன் ஜெயிலில் அவரோட அடியாளை பார்ப்பார் அந்த இடத்தில bgm ரொம்ப புதுசா தெரிஞ்சிது , பாடல்களில் நடு நடுவே extra effects இருக்கு , ரொம்ப முக்கியமான விஷயம் படத்தில் வரும் எல்லா ஆட்டோவிலும் , ரஜினியோட ஆட்டோ உட்பட OLA ஸ்டிக்கர் ஒட்டி இருக்கானுங்க , அடப்பாவிங்களா இப்படி ஒரு மார்க்கெட்டிங் ஐடியாவா ? இவனுங்க high tech  ஸ்டிக்கர் பாய்ஸ் போல , ஆனா கொஞ்சம் கூட அது அசிங்கமா தெரியாம நிஜமாகவே ஆட்டோல ஸ்டிக்கர் போட்டது போலவே இருந்துச்சி , முதல் சீனல அதை பார்த்ததும் எனக்கு மட்டும் இல்ல பார்த்த எல்லாருக்கும் செம்ம சிரிப்பு .

இந்த படம் விவரம் தெரிஞ்சி டிவில பார்த்த பிறகு பல கேள்விகள் எனக்கு வந்துச்சி ஆனா அது இன்னிக்கு படம் பார்க்கும் போது தோணல , குறிப்பா பாட்ஷா கேசவ் மும்பையில் ஒரே மாதிரி வயசு உள்ளவங்க போல காட்டினாலும் கேஷாவோட பொண்ணை எப்படி காதலிப்பார் ? அப்போ பாட்ஷாவோட வயசு ஏறவே இல்லையா ? எதிரி ஆன்டனி கூட வயசு ஆகி இருந்தாலும் பாட்ஷா எப்படி வயசுஆகல?  இப்படி சில பல கேள்விகள் இருந்தாலும் படம் பார்க்கும் போது அது கேட்க தோன்றவில்லை .

இன்னைக்கு தான் நான் ஒரு விஷயம் நோட் பண்ணேன் , அநேகமா கீழே போட்டோல இருக்க சீரியல் ஆக்டர் தான் Antonyக்கு குழந்தையாக வரும் பொண்ணு என்று நினைக்கறேன் .

படத்தோட காமெடி வசனங்கள் , பஞ்ச் வசனங்கள் எல்லாம் மக்கள் படத்தோட படம் கூடவே சொல்லுறாங்க அந்த அளவுக்கு இந்த படம் மக்கள் மனசுல பதிஞ்சி இருக்கு , ஏம்பா  ராஜு பாய் , விஷ்வா பாய் , இன்னும் இத்தன்னை வருஷம் கழிச்சி வந்தாலும் இந்த பாட்ஷா பாய் எப்படி இருக்காருன்னு .இவரை பார்த்து கத்துக்கோங்க ,

மொத்தத்தில்  பாட்ஷா நூறு முறை பார்த்தாலும் முதல் முறை பார்ப்பது போல தான் .

இப்படிக்கு 
சினி கிறுக்கன் 

Kanavu Variyam - கனவு வாரியம்

கனவு வாரியம் இந்த  படம் வெளிவருவதற்கு முன்னாடியே இந்த படத்தோட போஸ்டர்ஸ் , சின்ன சின்ன கட் அவுட்ல பல விருதுகள் வாங்கின படம்ன்னு போட்டு இருந்துச்சி அதுவே இந்த படம் பார்ப்பதற்கு எனக்கு தூண்டியது , சரி இந்த படம் என்ன என்ன விருது எல்லாம் வாங்கி இருக்கு ?
1.‘Platinum Remi’ award’ for best Theatrical Feature Film at 49th WorldFest-Houston, USA 
2. ‘Silver Remi Award’ for a song (‘STONE OR SAND’) featuring in the film at
49th WorldFest-Houston, USA
3. ‘Audience Favorite movie’ at 49th WorldFest.-Houston, USA
4. ‘Special Jury Award’ from the National Science Film Festival, organized by the Govt. of India
5. Winner at 17th Bare Bones International Film & Music Festival, USA
6. Winner at Los Angeles Film & Script Festival, USA

அட இத்தனை award எல்லாம் வாங்கி இருக்கே அதுவும் படம் நம்ம ஊர் மின்சாரத்தை பற்றியது நிச்சயமா போயிட்டு பார்க்கணும் தோணுச்சு ,

நாம் பொதுவா இந்த மாதிரி அவார்டு படம் பார்க்க போகும் போது சில விஷயங்கள் எதிர்பார்க்கலாம் 
ஒன்னு படம் ரொம்ப சீரியஸ் மெசேஜ் சொல்லி கொஞ்சம் கூட commercial கலக்காமல் போக வாய்ப்பு உண்டு , அப்படி இல்லைன்னா படம் முழுக்க documentary போல போக வாய்ப்பு உண்டு , அதுவும் இல்லைனா காக்கா முட்டை போல messageம் கொஞ்சம் commercial கலந்தும் அனைத்து  தரப்பு மக்களையும் திருப்தி படுத்துறா மாதிரி இருக்கும்  ,அதுவும் இல்லையா படம் யாருக்கும் புரியாது ஆனா ஜூரிக்கு மட்டும் புரிஞ்சி award குடுப்பாங்க ,இந்த படம் பார்க்கும் போது இது எந்த மாதிரி வகையில் சேர்பதுன்னு தெரியல 

படத்தில் எடுத்த கதைக்களம் ஒரு நல்ல விஷயம் என்றாலும் அதை கொண்டு போயிட்டு மக்களுக்கு சேர்க்கும் விதத்தில் டைரக்டர் கொஞ்சம் தவறவிட்டுட்டார் , படம் ஆரம்பத்தில் பல நல்ல விஷயங்கள் பண்ணி இருக்கார் , தமிழ்த்தாய் வாழ்த்துடன் படம் ஆரம்பிக்குது அப்படியே ஒரு திருக்குறள் கூட, அருமையான வித்தியாசமான ஆரம்பம் .வேற என்ன நல்ல விஷயம் என்னனா நம் நாட்டில் நடக்கும் பல உண்மையான பல விஷயங்கள் காட்டி இருக்காங்க , அதாவது எப்படி ஒரு அரசாங்க அதிகாரி அலட்சியமா இருக்காங்க , ஊர் மக்கள் எப்படி ஒரு வளரும் மனிதனை தூற்றுவாங்க ,மிக முக்கியமான ஒன்னு இயற்கை விவசாயத்தையும் அதன் முக்கியத்துவத்தையும் காட்டி இருக்காங்க ,  மேலும் சில இடங்களில் வசனங்கள் நல்லா இருக்கு ," வாத்தியார் comma வாக இருக்கணும் full ஸ்டாப் ஆகா இருக்க கூடாது ,அப்புறம் புத்தகம் படிக்கணும் புத்தகத்தோடு பங்களிப்பு பற்றி சொல்லி இருக்காங்க 

நான் மேலே சொன்ன நல்ல விஷயங்கள் படத்தில் இருந்தாலும் படத்தில் இவை அனைத்தும் சொல்ல வந்த விதம் அந்த அளவுக்கு ஆழமாக இல்லை முழுமையாகவும்  இல்லை ,ஏன்னா படம் அங்க அங்க தடம் மாறி தடம் மாறி போகுது, மேலும் நடிகர்கள் நடிப்பு அந்த உணர்வை மக்களுக்கு போய் சேர்க்க கஷ்டப்படுது , படம் எடுத்த விதமும் ரொம்ப நாடகத்தனமா இருக்கு , அதனால ஒரு குறிப்பிட்ட கட்டத்துக்கு மேல படம் பார்க்க ஒரு சலிப்பு ஏற்படுது .ஞானசம்பந்தம் , இளவரசு அவங்க பெரியவங்க என்று காட்ட அவங்க தலை முடியில் போட்டு இருக்கும் நிரை எல்லாம் ரொம்ப செயற்கையாக இருக்கு , அதை ஆரம்ப நிலையில் ஷார்ட் பிலிம் எடுக்குறவங்க  கூட நல்லா எடுத்து இருப்பாங்க .

பாவம் அருண் சிதம்பரம் இப்படி ஒரு கதையை எழுதிட்டு நடிக்க , தயாரிக்க யாரும் வரமாட்டாங்கன்னு அவரே எல்லாத்தையும் பண்ணிட்டாரு போல , ஒரு வேலை வேற யாராவுது நடிச்சி இருந்தா இந்த படம் இன்னும் கொஞ்சம் மெருகு ஏறி இருக்குமோ தோணுது , ஹீரோ , ஹீரோயின் காதல் படத்தில் ஒரு மிக பெரிய தடை , படத்தில் பாடலும் அவரே எழுதி இருக்கார் , எனக்கு அதில் பசங்கள் விளையாடும் விளையாட்டை பற்றி ஒரு பாட்டு வரும் அது நல்லா இருக்கு பாட்டை உருவாகின விதம் நல்லா இருந்திச்சி , ஆனால் எனக்கு பூ படத்தில்" ச்சு ச்சு மாரி " பாட்டு ஞாகபம் தான் வந்துச்சி .

மொத்தத்தில் கனவு வாரியம் பல அவார்டு வாங்கினாலும் கொஞ்சம் low voltage தான் 

இப்படிக்கு 
சினி கிறுக்கன் 

Yaman - எமன்

எப்போதும் ஒரு வித்தியாசமான படப்பெயரோடவும், வித்தியாசமான கதையோடும்  வரும் நம்ம விஜய் ஆண்டனி , இந்த படத்தில் எடுத்து இருக்கு கதைக்களம் அரசியல் , அதுவும் இப்போ இருக்கும் அரசியல் சூழ்நிலையில் இந்த படம் வெளிவந்து இருக்கு , அட அந்த அளவுக்கு நேர்முகமாகவோ அல்லது மறைமுகமாகவோ பெருசா பாதிக்கிறா மாதிரி இல்லங்க  ,  இருந்தாலும் அங்க அங்க lightaah  வசனங்கள் கை தட்ட வைக்குது .

படத்தில் ரொம்ப பெரிய surprise element , thrilling அது மாதிரி எதுவும் இல்ல , ஆனால் படம் ஒரு straight forward திரைக்கதை , இது ஒரு ஆடு புலி ஆட்டம் போல இருக்கும் பல ஆடுகளை வீழ்த்தி , ஒரு பெரிய புலியையும் , சிங்கத்தை விழ்த்துகிறார் நம்ம ஹீரோ ,

படத்தில் முதல் பாதி , ஒரு ஒரு கேரக்டர்களை கதைக்குள் கொஞ்சம் கொஞ்சமாக லிங்க் பண்ணி, தந்திரமாக கண்ணாமூச்சி ஆடி ஒரு ஒருத்தரையும் காலி பண்ணி முக்கியமான கேரக்டர்க்கு செக்மேட் வச்சி விறுவிறுப்பாங்க விஜய்ஆண்டனிக்கு மாஸ் வைத்து சுபமாக பல பாடி(body)  முடியுது , சாரி முதல் பாதி முடியுது . மீண்டும் இரண்டாவது பாதியில் ஹீரோயின்க்கு ஒரு கேரக்டர் லிங்க் வச்சி விஜய் ஆண்டனி அரசியல் ஆட்டம் ஆட படம் கொஞ்சம் தோஞ்சி தான் போகுது 

விஜய் ஆண்டனிக்கு மாஸ் ரொம்ப நல்லாவே வருது, குறிப்பா ஒரு கார் காட்சியில் துப்பாக்கி எப்படி ரிலீஸ் பண்ணுவது என்று  கேட்டுவிட்டு கார் கண்ணாடியை இப்போ மூடிக்கோங்க  சொல்லும் காட்சி செம்ம , அதே போல பார் fight மாஸ் அவருக்கு செட் ஆகுது ,பல காட்சிகளில் அப்படி கெத்தாக வருகிறார் ஆனால் எந்த அளவுக்கு ஆடியன்ஸ் மாஸ் ஹீரோவாக ஏற்றுப்பாங்கன்னு தெரியல , அவரே மியூசிக் டைரக்டர் அதனால அவர் வரும் மாஸ் சீனுக்கு மாஸ் மியூசிக் சில இடங்களில் நல்லா கொடுத்து இருக்கார் , ஆனால் பாட்டில் கோட்டையை விட்டுட்டார் , பாட்டு ஒன்னும் ரசிக்கிறா மாதிரி இல்ல.அவர் ஒரு பார் பாட்டில் ஆடும் ஆட்டம் ஜிமில் work out பண்ணுவது போலவே இருக்கு சார் டான்ஸ் ஆட கத்துக்கோங்க .அப்புறம் அந்த opening  பாட்டு சைத்தான் படம் போல இருக்கு , என் மேல கைவச்சா பாட்டு  கேக்குறது , வேட்டைக்காரன் படத்தில் ஏன் உச்சி மண்டையில ஸுரர்ன்ன்னது  பாட்டு போல இருக்கு , but stunt நல்லா இருக்கு , அது குறிப்பா ஜெயிக்குள்ள நடக்கும் சண்டை நல்லா இருந்துச்சி .

படத்தின் ஒரு ப்ளஸ் பாயிண்ட் என்னான்னா எல்லா கேரக்டர்க்கும் சரியா important கொடுத்து இருக்காங்க , சார்லி , தியாகராஜன் , மேலும் போலீஸ் இன்ஸ்பெக்டர் , இரண்டு லோக்கல் அரசியல் கைகள் , கவுன்சிலர் , இப்படி நிறைய கேரக்டர் இருக்கு , விஜய் ஆன்டனி கூட வரும் அடி ஆளுங்க ஒருத்தர் நல்லா இருக்காரு, தியாகராஜனும் , விஜய் ஆண்டனியும் மேடையில் பேசும் காட்சி அருமை , 



மொத்தத்தில் எமன் முதல் பாதி எமனாக இரண்டாவது பாதி சித்திரகுப்தனாக 

இப்படிக்கு 
சினி கிறுக்கன்